मंग्सिर ६, २०८३ आइतबार November 22, 2026

‘एचपिभी खोपका लागि अभिभावकमा सचेतना आवश्यक’

‘खोज र खोप लगाउ’ मुख्य नारासहित वैशाख महिनालाई खोप महिनाका रूपमा मनाइने

शेयर गर्नुहोस:
फन्ट परिवर्तन गर्नुहोस: अ अ अ

मोरङ। ह्युमन प्यापिलोमा भाइरस (एचपिभी) खोपका लागि अभिभावकमा सचेतना आवश्यक रहेकाे सरोकारवालाहरूले जोड दिएका छन्।

प्रदेश खोप समन्वय समितिले आज विराटनगरमा आयोजना गरेको हालै सम्पन्न एचपिभी खोप कार्यक्रमको समीक्षा कार्यक्रममा उनीहरूले अभिभावक सचेत नभएसम्म खोप कार्यक्रम प्रभावकारी नहुने बताए।

सहभागीहरूले एचपिभी खोप कार्यक्रम विद्यालयस्तरमा सञ्चालन गरिने हुँदा अभिभावकले बालबालिकाको सहभागिताका लागि अनुमति नदिँदा समस्या हुने गरेको धारणा राखे। कोशी प्रदेश स्वास्थ्य मन्त्रालयका सचिव राधिका थपलियाले खोपमा समन्वय आवश्यक रहेको बताए। गत फागुन २२ देखि प्रदेशमा सुरु भएको एचपिभी खोप अभियानमा ८७ प्रतिशतमा खोप पहुँच रहेको उनले जानकारी दिए।

प्रदेश स्वास्थ्य निर्देशनालय धनकुटाका निर्देशक ज्ञानबहादुर बस्नेतले खोप कार्यक्रम सफल भए पनि प्रभावकारी सञ्चालनका लागि स्थानीयस्तरमा सचेतना आवश्यक देखिएको बताए। निर्देशक बस्नेतले ‘खोज र खोप लगाउ’ मुख्य नारासहित वैशाख महिनालाई खोप महिनाका रूपमा मनाइने घोषणा गरिएको बताए।

निर्देशनालयका खोप अधिकृत भरत भण्डारीले नेपालमा राष्ट्रिय खोप ऐन २०७२ अनुसार खोप कार्यक्रम व्यवस्थित गरिएको तर यसबारे स्थानीयस्तरसम्म सचेतना बढाउनुपर्ने महसुस भएको धारणा राखे। विश्व स्वास्थ्य संगठनका डा पवन उपाध्यायले संक्रमणकालीन पोलियो योजना २०७९–२०८६ कार्यान्वयनमा रहेको उल्लेख गरे।

एचपिभी खोप अभियानका क्रममा मोरङ र सुनसरीजस्ता सहरी क्षेत्रमा बढी समस्या देखिएको तर पहाडी र हिमाली जिल्लामा खोप कार्यक्रम सञ्चालनमा कुनै समस्या नभएको कार्यक्रममा जानकारी दिइयो।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्री बालेन दिल्लीमा, राज्यमन्त्री जितिन प्रसादले गरे स्वागत
२०८३ मंग्सिर ६, आइतबार
प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास
२०८३ मंग्सिर ६, आइतबार
प्रधानमन्त्री शाह दुईदिने राजकीय भ्रमणका लागि भारत प्रस्थान
२०८३ मंग्सिर ६, आइतबार
Prime Minister Shah Heads to India for Talks with Narendra Modi
२०८३ मंग्सिर ६, आइतबार
एसियन राइजिङ स्टार्स प्रतियोगिता : युएईले नेपाललाई दियो १२२ रनको लक्ष्य
२०८३ मंग्सिर ६, आइतबार
नेपाल खुला विश्वविद्यालयमा भर्ना खुल्यो, MBA का लागि २.५ CGPA अनिवार्य
२०८३ मंग्सिर ६, आइतबार
ऊर्जामन्त्री श्रेष्ठलाई कार्यवाहक प्रधानमन्त्रीको जिम्मेवारी
२०८३ मंग्सिर ६, आइतबार