मंग्सिर ४, २०८३ शुक्रबार November 20, 2026

शानदार प्रदर्शनसहित बार्सिलोनाको ‘कोपा डेल रे’मा कब्जा

बार्सिलोनालाई ‘कोपा डेल रे’को उपाधि

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं, १४ वैशाख। बार्सिलोनाले चीर प्रतिद्वन्द्वी रियाल मड्रिडमाथि अतिरिक्त समयमा ३-२ गोलको जित हात पार्दै ‘कोपा डेल रे’को उपाधि जितेको छ । एल क्लासिको भिड्न्तमा बार्सिलोनाका लागि जुल कुन्डेले निर्णायक गोल गरे ।

सेभिलमा आज विहान भएको खेलको निर्धारित ९० मिनेटको खेल २-२ गोलको बराबरीमा सकिएको थियो । २८औं मिनेटमा पेड्रिले, लमिन यामलको सहयोगमा गोल गर्दै बार्सिलोनालाई अग्रता दिलाएका थिए ।

पहिलो हाफमा यहि नतिजा कायम रह्यो । ब्रेकपछि किलियन एम्बाप्पे सब्सटिच्यूट खेलाडीका रूपमा मैदान प्रवेश गरेपछि रियालको खेलमा सुधार आयो । ७०औं मिनेटमा एम्बाप्पेले बराबरी गोल फर्काए ।

७७औं मिनेटमा आर्दा गिलेरको कर्नरमा चुवामेनीले गोल गरेपछि रियाल २-१ ले अघि रहेको थियो । तर अन्तिम समयसम्म जोगउन भने सकेन । ८४औं मिनेटमा बार्सिलोनाका फरान टोरेसले गोल गरेपछि खेल अतिरिक्त समयमा धकेलिएको थियो ।

१ सय १६औं मिनेटमा कुन्डेले गरेको गोल बार्सिलोनाको जितमा निर्णायक बन्यो । बार्सिलोनाको यो कीर्तिमानी ३२ औं ‘कोपा डेल रे’ उपाधि हो । अन्तिम समयमा रियाल दश खेलाडीमा समेटिएको थियो । लुकास भाकेज रातो कार्ड पाउँदै मैदान बाहिरिएका हुन् ।

हान्जी फ्लिकको बार्सिलोनाको प्रशिक्षकका रुपमा यो पहिलो मुख्य उपाधि हो । प्रशिक्षक फ्लिकले अहिलेसम्म खेलेका सात फाइनल हारेका छैनन् । बार्सिलोनाले यो सिजन स्पेनिस सुपर कपको उपाधि पनि जितेको थियो । अब उसको नजर ला लिगा र च्याम्पियन्स लिगमा छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार
आज शुक्रबार, कस्तो रहला तपाईंको दिन ? हेर्नुहोस् राशिफल
२०८३ मंग्सिर ४, शुक्रबार
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार