श्रावण २०, २०८३ बुधबार
August 5, 2026
युग खबर
२०८२ बैसाख २६, शुक्रबार
काठमाडौं, वैशाख २६ – नेपाल कम्युनिष्ट पार्टी (एकीकृत समाजवादी) का अध्यक्ष तथा पूर्वप्रधानमन्त्री माधवकुमार नेपालको स्वास्थ्यमा सुधार आएको छ। उनी हाल सघन उपचार कक्ष (ICU) मा चिकित्सकीय निगरानीमा छन्।
मुटुमा समस्या देखिएपछि बिहीबार महाराजगञ्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना गरिएका नेपाललाई एन्जिओप्लास्टी गरिएको थियो। उपचारपछि चिकित्सकहरूले उनलाई केही दिन आरामसहित उपचार गर्न सल्लाह दिएका छन्।
पार्टी केन्द्रीय प्रचार विभागका उपप्रमुख दामोदर अर्यालका अनुसार, नेपाललाई सघन उपचार कक्षमा राखिएको छ र स्वास्थ्य संवेदनशीलताका कारण अस्पतालमा भेटघाट बन्द गरिएको छ।
नेपालको स्वास्थ्यमा क्रमिक सुधार भइरहेको छ, तर चिकित्सकहरूले पूर्ण विश्राम आवश्यक रहेको बताएका छन्। पार्टीका वरिष्ठ नेताहरूले नेपालको स्वास्थ्य अवस्थाबारे जानकारी लिँदै शुभकामना व्यक्त गरेका छन्।
नेपालको स्वास्थ्यमा सुधार आएपछि पार्टीका गतिविधिहरू पुनः सक्रिय हुने अपेक्षा गरिएको छ। पार्टीका अन्य नेताहरूले पनि नेपाललाई शीघ्र स्वास्थ्यलाभको कामना गरेका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया