मंग्सिर ४, २०८३ शुक्रबार November 20, 2026

मेयर कप क्रिकेट: सीतामढी र मुजफ्फरपुर विजयी, मुजफ्फरपुरको शानदार जित

प्रतियोगिताअन्तर्गत आइतबार धनुषा र सीतामढी तथा सर्लाही र मुजफ्फरपुरबीच प्रतिस्पर्धा हुने

शेयर गर्नुहोस:
फन्ट परिवर्तन गर्नुहोस: अ अ अ

जनकपुरधाम, वैशाख २७ । जनकपुरधामको रामजानकी बहुउद्देश्यीय अन्तर्राष्ट्रिय रंगशालामा जारी तेस्रो जनकपुरधाम मेयर कप टी–२० क्रिकेट प्रतियोगिताको शनिबार सम्पन्न दुई खेलमा भारतको बिहारका सीतामढी र मुजफ्फरपुर क्रिकेट टिम विजयी भएका छन्।

पहिलो खेलमा भारतको सीतामढीले महोत्तरी क्रिकेट टिमलाई १९.१ ओभरमा पाँच विकेटले पराजित गर्‍यो। टस जितेर पहिला ब्याटिङ गरेको महोत्तरीले २० ओभरमा ८ विकेटको क्षतिमा १२२ रन बनाएको थियो। जवाफी इनिङमा सीतामढीले १२६ रन बनाउँदै खेल आफ्नो पक्षमा पार्‍यो।

उक्त खेलमा ४५ रन नटआउट र १ विकेट लिएका सीतामढीका प्रियाशु कुमार ‘म्यान अफ दि म्याच’ घोषित भए।

त्यस्तै, दोस्रो खेलमा बिहारकै मुजफ्फरपुरले सप्तरी क्रिकेट टिमलाई एकतरफा खेलमा १० विकेटले पराजित गर्दै सानदार जित हासिल गर्‍यो। टस जितेर ब्याटिङ गरेको सप्तरीले २० ओभरमा ९ विकेट गुमाउँदै ११३ रन बनाएको थियो।

जवाफमा मुजफ्फरपुरले १०.३ ओभरमै बिना विकेट गुमाई ११९ रन बनाउँदै सहज जित दर्ता गर्‍यो। रवि शर्माले ७२ रनको आक्रामक इनिङ खेलेर म्यान अफ दि म्याच घोषित भए।

मेयर कप प्रतियोगिताअन्तर्गत आइतबार धनुषा र सीतामढी तथा सर्लाही र मुजफ्फरपुरबीच प्रतिस्पर्धा हुनेछ। प्रतियोगिताको विजेता टिमलाई २ लाख रुपैयाँसहित ट्रफी र उपविजेतालाई १ लाख २५ हजार रुपैयाँ र ट्रफी प्रदान गरिनेछ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार
आज शुक्रबार, कस्तो रहला तपाईंको दिन ? हेर्नुहोस् राशिफल
२०८३ मंग्सिर ४, शुक्रबार
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार