पेट्रोल र डिजेलको मूल्य बढ्यो (विज्ञप्ती सहित)

काठमाडौंः नेपाल आयल निगमले पेट्रोलियम पदार्थको मूल्य बढाएको छ । गएराति १२ बजेबाट लागू हुने गरी डिजेल, पेट्रोल र मटीतेलमा प्रतिलिटर एक रुपैयाँ मूल्य वृद्धि गरिएको हो ।

अगस्ट १६ मा भारतीय आयल कर्पोरेसनबाट प्राप्त नयाँ मूल्यसूचीमा बढेको मूल्य प्राप्त भएपछि इन्धनको मूल्य बढाउन निगम बाध्य भएको प्रवक्ता उपाध्यायको भनाई छ । हवाई इन्धन र खाना पकाउने ग्याँसको मूल्य भने यथावत नै रहेको प्रवक्ता उपाध्यायले बताएका छन् ।

इण्डियन आयल कर्पोरेसन्सले पठाएको नयाँ मूल्यसूचीअनुसार मूल्य केही हेरफेर भएको छ । पेट्रोल, डिजेल र मटितेलको साबिक खुद्रा बिक्री मूल्यमा प्रतिलिटर १/१ रुपैयाँ बढाउने निर्णय भएको छ,’ उनले भने, ‘मूल्य समायोजनपश्चात् पेट्रोलको खुद्रा बिक्री मूल्य प्रतिलिटर १ सय ५ रुपैयाँ, डिजेल र मटितेल ९१/९१ रुपैयाँ कायम गरिएको छ ।’

मुल्य बढेपछि अब पेट्रोल प्रतिलिटर १०५ रुपैयाँ पुगेको छ भने डिजेल र मट्टितेलको मूल्य ९१ रुपैयाँ प्रतिलिटर पुगेको छ । निगमले १५ दिनअघि मात्रै पेट्रोल, डिजलको मुल्य प्रतिलिटर २ रुपैयाँले बढाएको थियो ।

यस्तो छ नेपाल आयल निगमल जारी गरेको नयाँ मूल्य सूचीः