पर्सामा मेयर रौनियार सहित ३३ जनामा कोरोना संक्रमण पुष्टि

काठमाण्डाैंः विश्व महामारी कोरोना संक्रमणको इपीसेन्टर बन्दै गएको पर्साको पोखरिया नगरपालिकाका मेयर दीपनारायण रौनियार र पोखरिया अस्पतालका मेडिकल सुपरिटेन्डेन्ट अनिल यादवसहित ३३ जनामा कोरोना संक्रमण पुष्टि भएको छ ।

लिखेलस्थित पीसीआर प्रयोगशालामा गरिएको परीक्षणमा मेयर सहित ३३ जनामा कोरोना संक्रमण पुष्टि भएको प्रयोगशालाले जनाएको छ ।

साउन २६ गते मेयर रौनियारसहित ३४ जनाको स्वाब संकलन गरी परीक्षणको लागि पठाउँदा आइतबार ३३ जनाको रिपोर्ट पोजिटिभ आएको प्रयोगशालाले जानकारी दिएको छ ।