मंग्सिर ४, २०८३ शुक्रबार November 20, 2026

यू-१६ सुदूरपश्चिम छनोटः बैतडीका भास्करको शतक

नेपाल क्रिकेट सङ्घले एसिसी मेन्स यू-१६ इस्ट जोन कपको छनोटका लागि जेठमा राष्ट्रिय प्रतियोगिता गर्दै

शेयर गर्नुहोस:
फन्ट परिवर्तन गर्नुहोस: अ अ अ

बैतडी, १० जेठः बैतडीमा जारी एसिसी मेन्स यू-१६ इस्ट जोन कप-२०२५ को सुदूरपश्चिम छनोटमा बैतडीका भास्कर जोशीले शतक हिर्काएका छन् । भास्करले डोटीविरुद्धको खेलमा ६२ बलमा शतक प्रहार गरेका हुन् । उनको शतकमा बैतडीले डोटीमाथि ९४ रनको शानदार जित निकालेको छ ।

जारी प्रतियोगितामा शतक बनाउने भास्कर पहिलो खेलाडी बनेका छन् । उनले १२ चौका र पाँच छक्का प्रहार गर्दै शतक बनाएका हुन् । घरेलु मैदान दशरथचन्द क्रिकेट रङ्गशाला सुन्दरखालीमा पहिला ब्याटिङ गरेको बैतडीले निर्धारित २० ओभरमा एक विकेटको क्षतिमा दुई सय १० रन बनाएको छ । जसमा भास्कर एक सय रनमा अविजित रहे । यस्तै विक्रम बोहराले ४७ र कप्तान सचिन भट्टले अविजित ४६ रनको योगदान गरे ।

भास्कर र विक्रमबीच एक सय पाँच रनको ओपनिङ शतकीय साझेदारी भयो । त्यसपछि आएका कप्तान सचिनले पनि भास्करसँग एक सय पाँच रनकै साझेदारी गरे । भास्कर प्लेयर अफ द म्याच समेत चुनिएका छन् ।

डोटीका सुमन मल्लले एक विकेट हात पारे । जवाफी ब्याटिङमा उत्रेको डोटीले निर्धारित २० ओभरमा आठ विकेटको क्षतिमा एक सय १६ रन मात्रै बनाउन सक्यो । डोटीका महेश देउवाले अर्धशतकीय पारी खेल्दै ६० रन बनाएपनि जित हुन सकेन । बलिङतर्फ बैतडीका अमर चन्द र जयबहादुर नाथले दुई/दुई विकेट निकाले ।

प्रतियोगिताबाट बैतडी र बझाङ बाहिरिसेकेका छन् । आजै भएको पहिलो खेलमा बझाङले डडेल्धुरालाई ३३ रनले हराएको छ । आजको खेलमा पराजित भए पनि डडेल्धुरा नेट रनरेटका आधारमा बझाङलाई पछि पार्दै समूह ‘ए’ को विजेताको रूपमा फाइनलमा सुरक्षित भयो ।

जितका लागि पाएको एक सय ७४ रनको लक्ष्य पछ्याएको डडेल्धुरा निर्धारित २० ओभरमा एक सय ४० रनमा समेटियो । जसमा मान साउँदले सर्वाधिक २२ रन बनाएपनि हार टार्न सकेनन् । बझाङका हिमाल दौल्यालले तीन विकेट झारे । यसअघि बझाङले २० ओभरमा खाठ विकेटको क्षतिमा एक सय ७३ रन बनाएको थियो ।

बझाङका इशान दौल्यालले अर्धशतकीय पारी खेल्दै ५१ रनको पारी खेले । उनी प्लेयर अफ द म्याच समेत चुनिएका छन् । डडेल्धुराका तपेन्द्र बोहरा र किरन देउवाले दुई/दुई विकेट हात पारे ।

सुदूरपश्चिम प्रादेशिक क्रिकेट सङ्घको आयोजना र बैतडी जिल्ला क्रिकेट सङ्घको आयोजनामा यही जेठ ८ गतेदेखि सुरु प्रतियोगितामा नेपाल क्रिकेट सङ्घमा आवद्ध सुदूरपश्चिमका आठ जिल्लाको सहभागिता छ । सहभागी आठ टोलीलाई दुई समूहमा विभाजन गरिएको छ ।

समूह ‘ए’ मा डडेल्धुरा, बैतडी, बझाङ र डोटी तथा समूह ‘बी’मा अछाम, कैलाली, कञ्चनपुर र दार्चुला रहेका छन् । दुवै समूहका विजेताबीच यही जेठ १४ गते उपाधिका लागि भिडन्त हुनेछ । छनोट प्रतियोगितामा उत्कृष्ट प्रदर्शन गर्ने खेलाडीलाई प्रदेशको टोलीमा समावेश गरिने सुदूरपश्चिम प्रादेशिक क्रिकेट सङ्घका प्रशिक्षक दीपेन्द्रबहादुर चन्दले बताएका छन् ।

एसियन क्रिकेट काउन्सिलको कार्यक्रमअनुसार नेपाल क्रिकेट सङ्घले एसिसी मेन्स यू-१६ इस्ट जोन कपको छनोटका लागि जेठमा राष्ट्रिय प्रतियोगिता गर्दैछ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
आज शुक्रबार, कस्तो रहला तपाईंको दिन ? हेर्नुहोस् राशिफल
२०८३ मंग्सिर ४, शुक्रबार
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार