असार २०, २०८२ शुक्रबार
July 4, 2025
युग खबर
२०८२ जेठ २०, मंगलबार
काठमाण्डौंः रोयल च्यालेन्जर्स बेंगलुरुले आफ्नो १६ वर्षको प्रतीक्षा तोड्दै पहिलो पटक इन्डियन प्रिमियर लिग (आईपीएल) को उपाधि जितेको छ। मंगलबार नरेन्द्र मोदी रंगशालामा भएको २०२५ सिजनको फाइनलमा बेंगलुरुले पञ्जाब किङ्सलाई ६ रनले पराजित गर्दै इतिहास रचेको हो।
पहिले ब्याटिङ गर्दै बेंगलुरुले ९ विकेट गुमाएर १९० रन बनाएको थियो। ओपनर विराट कोहलीले सर्वाधिक ४३ रन (३५ बल, ३ चौका) बनाउँदै कप्तानी पारी खेले। मयन्क अग्रवाल (२४), रजत पाटिदर (२६), लियान लिभिङस्टोन (२५) र जितेन शर्मा (२४) ले योगदान दिए।
१९१ रनको लक्ष्य पछ्याएको पञ्जाब किङ्स २० ओभरमा ७ विकेट गुमाएर १८४ रनमा रोकियो। शशांक सिंहले विस्फोटक पारी खेल्दै ३० बलमा ६१ रन बनाएका थिए, तर जित दिलाउन सकेनन्। बेंगलुरुका बलरले नियमित अन्तरालमा विकेट लिँदै दबाब कायम राखे।
पञ्जाबका लागि केली जेमिसन र अर्सदीप सिंह तीन–तीन विकेट लिए, जसमा अर्सदीपले अन्तिम ओभरमा तीन विकेट चट्काएका थिए।
यो जितसँगै बेंगलुरुका स्टार खेलाडी विराट कोहलीले आफ्नो दीर्घकालीन सपना – आईपीएल उपाधि जित्ने लक्ष्य – पुरा गर्न सफल भए।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया