मंग्सिर ४, २०८३ शुक्रबार November 20, 2026

नेदरल्यान्ड्सले नेपाललाई दियो १ सय ७५ रनको लक्ष्य

जारी सिरिजमा यसअघि किरण ठगुन्ना र रुपेश सिंहले डेब्यु गरेका थिए ।

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौः स्कटल्यान्डमा जारी त्रिकोणात्मक टी– २० आई सिरिजअन्तर्गत नेदरल्यान्ड्सविरुद्धको खेलमा नेपालले १ सय ७५ रनको विजयी लक्ष्य पाएको छ । टस हारेर पहिले ब्याटिङको निम्तो पाएको नेदरल्यान्ड्सले पूरा २० ओभर खेल्दै सात विकेट गुमाएर १ सय ७४ रनको योगफल तयार पारेको हो ।

नेदरल्यान्ड्सका माइकल लेभिटले आक्रामक ब्याटिङ गरे । उनले सर्वाधिक ८६ रन बनाए । ५३ बल खेलेका उनले ६ चौका र ५ छक्का प्रहार गरे । सकिब जुल्फिकरले १४, रोएलफ भ्यान डेरले ३६ र आर्यन दत्तले १७ रन बनाए ।

नेपालका लागि करण केसीले दुई तथा सन्दीप लामिछाने, ललित राजवंशी, दीपेन्द्रसिंह ऐरी र रुपेश सिंहले एक/एक विकेट लिए । केहीबेरमा नेपालले जवाफी ब्याटिङ थाल्नेछ ।

नेपाल आज लगातार दोस्रो जितको खोजीमा रहेको छ । मंगलबार भएको खेलमा नेपालले स्कटल्यान्डलाई २ विकेटले पराजित गरेको थियो । त्यसअघि सोमबार भएको खेलमा नेपाल नेदरल्यान्ड्ससँग तेस्रो सुपर ओभरमा पराजित भएको थियो । नेदरल्यान्ड्सले भने यस शृंखलामा दुई जित निकालेको छ ।

आइतबार घरेलु टोली स्कटल्यान्डसँग नेदरल्यान्ड्स ३९ रनले पराजित भएको थियो । त्यसपछि नेदरल्यान्ड्सले नेपाललाई तेस्रो सुपर ओभरमा पराजित गरेको थियो भने बुधबार भएको खेलमा स्कटल्यान्डलाई १७ रनले हराएको थियो ।

नेदरल्यान्ड्सविरुद्धको खेलमा भीम सार्कीको डेब्यु

नेदरल्यान्ड्सविरुद्धको आजको खेलमा नेपालका खेलाडी भीम सार्कीले डेब्यु गरेका छन् । सार्कीलाई उपकप्तान दीपेन्द्रसिंह ऐरीले डेब्यु क्याप हस्तान्तरण गरेका हुन् । उनी टी– २० अन्तर्राष्ट्रिय क्रिकेटमा नेपालका ५२औँ खेलाडी हुन् । जारी सिरिजमा यसअघि किरण ठगुन्ना र रुपेश सिंहले डेब्यु गरेका थिए ।

नेपाली टोलीमा कप्तान रोहितकुमार पौडेलसँगै उपकप्तान ऐरी, कुशल भुर्तेल, लोकेश बम, आसिफ शेख, आरिफ शेख, करण केसी, रुपेश सिंह, सन्दीप लामिछाने र ललितनारायण राजवंशी रहेका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार