भारत-इङ्ग्ल्याण्ड तेस्रो टेष्टको पहिलो पारी रोमाञ्चक रूपमा टाई

काठमाण्डौः भारत–इङग्ल्याण्ड तेस्रो टेष्टको पहिलो पारी टाई भएको छ । पहिलो पारीमा दुवै टोलिले समान ३८७ रन बनाएका हुन् ।

भारतका लागि केएल राहुलले शतक बनाए । लड्स मैदानमा दोस्रो शतक बनाएका राहुलले १३ चौकाको सहयोगमा १०० रन जोडेका थिए । ऋषभ पन्त ७४, रविन्द्र जडेजा ७२, करुण नायर ४०, नितिश कुमार रेड्डी ३० तथा वासिंटन सुन्दर २३ रन बनाएका थिए ।

घरेलु टोलीका क्रिस वोक्सले ३, जोफ्रा आर्चर र कप्तान बेन स्टोक्सले समान २ तथा शोयब बसिर र बायडेन कार्सले समान १ विकेट लिए । शनिवार नै दोस्रो पारी सुरुवात गरेको घरेलु टोलीले तेस्रो दिनको खेल सकिदा १ ओभरमा २ रन बनाएको छ ।

त्यसअघि टस जितेर पहिले ब्याटिङ गरेको घरेलु टोलीले पूर्व कप्तान जो रुटको शतक सहयोगमा ३८७ रन बनाएको थियो । रुटले १०४ रनको पारी खेले । त्यस्तै बायडन कार्स ५६ तथा जेमी स्मिथ ५१ रनमा बनाएका थिए । कप्तान बेन स्टोक्स र ओली पोप समान ४४ तथा बेन डकेट २३ रनमा आउट भएका थिए ।

भारतका जसप्रित बुमराहले ५ विकेट लिए । नितिश कुमार रेड्डी र मोहम्मद सिराजले समान २ तथा रविन्द्र जडेजाले १ विकेट लिएका थिए । ५ टेस्टको सिरिज १–१ को बराबरीमा छ । पहिलो टेस्टमा इङ्ग्ल्याण्ड र दोस्रोमा भारत विजयी भएको थियो।