इजरायली हमलावाट इरानी राष्ट्रपति घाइते भएको खुलासा

तेहरान, ३० असार । गत महिना इरान र इजरायलबीच १२ दिने युद्ध भएको थियो ।

यसै क्रममा १६ जुनमा इजरायली हमलामा इरानी राष्ट्रपति मसुद पजाकियान घाइते भएको रहस्य बाहिर आएको छ । इरानी समाचार एजेन्सी फार्सले यो जानकारी दिएको हो ।

रिपोर्टका अनुसार जुन १६ मा इजरायलले तेहरानको पश्चिमी भागमा रहेको एउटा भवनमा ६ वटा मिसाइल आक्रमण गरेको थियो । त्यसबेला भवनमा देशको सर्वोच्च राष्ट्रिय सुरक्षा मन्त्रिपरिषद्को बैठक चलिरहेको थियो ।

बैठकमा इरानको संसदका सभामुख मोहम्मद बगेर गालिबाफ, न्यायपालिका प्रमुख घोलाम–होसेन मोहसेनी एजेईआई र अन्य धेरै वरिष्ठ अधिकारीहरू पनि त्यहाँ उपस्थित रहेका थिए।

तर, भवनको तल्लो तल्लामा इरानी अधिकारीहरू उपस्थित भएकाले उनीहरूमा आक्रमणको खासै प्रभाव भने परेन। सो हमला पछि उनीहरु इमर्जेन्सी गेटबाट भाग्न सफल भए ।

रिपोर्टमा भनिएको छ कि इजरायलले नसरल्लाह जस्तै राष्ट्रपति पजास्कियनलाई मार्न चाहन्थ्यो। इजरायलले अक्टोबर १, २०२४ मा बेरुतमा नसरल्लाहको गोप्य बंकरमा आक्रमण गर्‍यो। उनी हिजबुल्लाहका शीर्ष कमाण्डरहरूसँग भेट्दै थिए। ६४ वर्षीय नसरल्लाहको विषालु धुवाँका कारण निसास्सिएर मृत्यु भएको जनाइएको छ ।

यस पटक पनि इजरायली क्षेप्यास्त्रले भवनको प्रवेशद्वार र भेन्टिलेसन प्रणालीलाई विशेष रूपमा निशाना बनाएका थिए ताकि भित्र रहेका मानिसहरूलाई बाहिर निस्कनबाट जोगाउन सकियोस् र उनीहरूलाई निसास्साउने वातावरणमा फसाउन सकोस्।

आक्रमणपछि भवनको बिजुली पनि काटिएको थियो तर त्यहाँ पहिल्यै निर्माण गरिएको इमर्जेन्सी गेटको सहायताले राष्ट्रपतिसहित अन्य वरिष्ठ अधिकारी बाहिर निस्कन सफल भएका थिए । भाग्ने क्रममा राष्ट्रपति पजास्कियानको खुट्टामा चोट लागेको थियो। सोही क्रममा अन्य अधिकारीहरु पनि सामान्य घाइते भएका थिए । एजेन्सी