त्रिभुवन विश्वविद्यालयका चार सम्बन्धन प्राप्त कलेजमा विद्यार्थी भर्नामा रोक

काठमाडौं, साउन ०९ गते । त्रिभुवन विश्वविद्यालय, विज्ञान तथा प्रविधि अध्ययन संस्थान, डीनको कार्यालयले सम्बन्धन प्राप्त गरी निजी स्तरमा संचालित चार कलेजलाई विद्यार्थी भर्नामा रोक लगाएको छ । बिटेक (फुड टेक्नोलोजी) शैक्षिक कार्यक्रम सञ्चालन गरिरहेका विराट मल्टिपल कलेज विराटनगर, धरान बहुमुखी क्याम्पस धरान, नीलगिरि कलेज सुनसरी तथा नागरिक कलेज नवलपरासीलाई प्रतिबन्ध लगाएको हो ।

शैक्षिक वर्ष २०८१/०८२ मा त्रिभुवन विश्वविद्यालयको नियम विपरीत आफूखुसी अध्ययन संस्थानले सञ्चालन गरेको प्रवेश परीक्षामा सामेल नै नभएका विद्यार्थीहरूलाई भर्ना गरेको पाइएकोले कारबाही गरिएको विश्वविद्यालयले जनाएको छ ।

शैक्षिक वर्ष २०८२/२०८३ मा उक्त बिटेक (फुड टेक्नोलोजी) शैक्षिक कार्यक्रममा नयाँ विद्यार्थी भर्ना गर्न नदिने साउन ६ गते, बसेको अध्ययन संस्थानको विद्यापरिषद् स्थायी समितिको बैठकबाट निर्णय भएको छ ।