मंग्सिर ३, २०८३ बिहिबार November 19, 2026

पिएसजीकाे लगतार तेस्राे जीत, साे जितमा जोआओ नेभेसको ह्याट्रिक

डेम्बेलेले ५१औं मिनेटमा पेनाल्टीमार्फत नै व्यक्तिगत दोस्रो तथा टोलीका लागि पाँचौं गोल

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, १५ भदाैं । पेरिस सेन्ट जर्मन (पिएसजी) ले फ्रेन्च लिग वानमा शनिबार टोलोजविरुद्ध ६-३ को सहज जित दर्ता गरेको छ ।

लगातार तेस्रो जितसँगै तीन खेलमा ९ अंक जोडेको पिएसजी शीर्षस्थानमा उक्लिएको छ । पहिलो हार बेहोरेको टोलोज समान खेलबाट ६ अंकका साथ छैटौं स्थानमा छ ।

पार्क डेस प्रिन्सेसमा घरेलु टोली पिएसजीलाई जित दिलाउन नेभेसले ह्याट्रिक गर्दा ओस्माने डेम्बेलेले दुई तथा ब्राडली बार्कोलाले एक गोल थपे । टोलोसका लागि चार्ली क्रेसवेल, यान गबोहो, एलेक्सिस वोसाहले गोल फर्काए ।

खेलकोसातौं मिनेटमा नेभेसको गोलमार्फत पिएसजीले अग्रता लिएको थियो । दुई मिनेटपछि नै बार्कोलाले टोलीको अग्रता दोब्बर बनाए ।

नेभेसले १४औं मिनेटमा व्यक्तिगत दोस्रो तथा टोलीका लागि तेस्रो गोल गरे । ३१औं मिनेटमा डेम्बेलेले पेनाल्टीमार्फत गोल गर्दा पिएसजी ४-० ले अगाडि बढ्यो ।

क्रेसवेलले ३७औं मिनेटमा टोलोजका लागि पहिलो गोल फर्काए । पहिलो हाफको इन्जुरी समयमा क्रिस्टियन कासेरेस जुनियर पेनाल्टीमा चुक्दा टोलोजले गोल अन्तर कम गर्ने अवसर गुमाए ।

डेम्बेलेले ५१औं मिनेटमा पेनाल्टीमार्फत नै व्यक्तिगत दोस्रो तथा टोलीका लागि पाँचौं गोल गरे । ७८औं मिनेटमा नेभेसले ह्याट्रिक पूरा गरे ।

गबोहोले ८९औं मिनेटमा टोलोजका लागि दोस्रो गोल गरे । खेलको इन्जुरी समयमा बोसाहले गोल टोलोजका लागि तेस्रो गोल फर्काए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार