भाद्र १, २०८३ सोमबार
August 17, 2026
युग खबर
२०८२ भाद्र १९, बिहिबार
काठमाडौं : यू २३ एसियन कप छनोटको पहिलो खेलमा नेपाल घरेलु टिम ताजकिस्तानसँग पराजित भएको छ। ताजकिस्तानको दुसान्बेस्थित रिपब्लिकन सेन्ट्रल स्टेडियममा भएको खेलमा नेपाल ताजकिस्तानसँग ४–० ले पराजित भएको हो।
ताजकिस्तानको लागि अजिजबोएभ मुहम्मदालले २ गोल गर्दा रहमत्जोदा राहमतसोह र सारिपोभ डालेरले १–१ गोल गरे।
पहिलो हाफको ३९ औं मिनेटमा ताजकिस्तानको लागि अजिजबोइभ मुहम्मदालले पेनाल्टी बक्स भित्रबाट गोल गर्दै ताजकिस्तानलाई १–० को अग्रता दिलाएका थिए।
पहिलो हाफमा १–० ले पछि परेको नेपालले दोस्रो हाफमा ३ गोल बेहोर्यो। खेलको ५८ औं मिनेटमा अजिजबोइभले हेडरमार्फत ताजकिस्तानका लागि र व्यक्तिगत दोस्रो गोल गरे। उनले २ जना डिफेन्डरको बिचबाट हेडरमार्फत दोस्रो गोल गरेका हुन्।
खेलको ८९ औं मिनेटमा ताजकिस्तानको लागि रहमत्जोदा राहमतसोहले तेस्रो गोल गरे । उनले पेनाल्टी बक्स भित्रबाट २ डिफेन्डलाई बिट गर्दै गोल गरे। थप गरिएको पहिलो मिनेटमा नेपालले चौथो गोल बेहोर्यो। ताजकिस्तानको लागि सारिपोभ डालेरले ताजकिस्तानको लागि चौथो गोल गरे।
नेपालले केही राम्रा अवसरहरु पाए पनि गोलमा परिणत गर्न भने सकेन । पहिलो हाफमा नेपालले केही राम्रो फ्रि किकहरू पाएको थियो । तर दोस्रो हाफ भने नेपाल प्राय डिफेन्समा नै व्यस्त रह्यो।
समूह के मा रहेको नेपालले छनोटको दोस्रो खेल शनिबार सिरियासँग खेल्नेछ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया