यी हुन्, महामारीको बेला सम्पत्ति थपिँदा विश्वकै धनी बनेकी महिला

काठमाण्डाैंः यदि राम्रा कम्पनीको शेयर छ भने मानिस रातारात कसरी संसारका धनी बन्न सक्छ ? भन्ने उदाहरण बनेकी छिन्, म्याकेन्जी बेजोस । हिजोआज म्याकेन्जी स्कोटको नामले चिनिने उनी विश्वका सर्वाधिक धनी मध्येको एक अर्थात् अमेजनका मालिक जोसेज बेजोसकी पूर्व पत्नी हुन् ।

हालैका हप्ताहरूमा अमेजनको सम्पत्ति मुल्याङ्कन १.७ ट्रिलियन डलर पुग्यो । जसको फलस्वरूप मयाकेन्जीको सम्पत्तिमा मात्र ३०.३ बिलियन डलर थपियो । कोरोना भाइरस महामारीका कारण विश्वका सबैजसो व्यापार व्यावसायहरु ठप्प रहेका बेला अमेजनले आश्चर्यजनरुपमा अत्यधिक कमाई गर्दा उनको पनि भाग्य बदलिएको हो ।

अहिले म्याकेन्जीको कूल सम्पत्ति ६७.४ बिलियन डलर छ । यसअघि विश्वकै धनी महिलाकोरुपमा रहेकी फ्राइन्कोइज बेटेनकोर्ट मेयरको भने कूल सम्पत्ति ६६.३ बिलियन डलर मात्रै छ । ब्लुम्बर्गले सार्वजनिक गरेका अर्बपतिको सूचिमा यसरी म्याकेन्जी सर्वाधिक महिला बन्न सफल भएकी हुन् ।

यससँगै उनी विश्वकै १२ औँ सर्वाधिक धनी व्यक्ति बनेकी छिन् । अमेजनका सिइओ जेफ बेजोससँग सम्बन्ध विच्छेद गर्दा उनले अमेजनको २० मिलियन शेयर प्राप्त गरेकी थिइन । यो जोडिको कूल सम्पत्ति जोड्ने हो भने अहिले २७० बिलियन डलर हुन्छ ।

म्याकेन्जीले आफ्नो सम्पत्तिबाट १.७ बिलियन डलर विभिन्न संघसस्थालाई दिएकी छिन् । जसमा ऐतिहासिक कालाहरुको कलेज र विश्व विद्यालय पनि पर्छन् । उनले यसरी ११६ वटा सस्थाहरुलाई सहयोग गरिरहेको सिएनएनले जनाएको छ । अभियानबाट