तेस्रो परा हिमालय सञ्चार तथा सामाजिक विकास सङ्गोष्ठी आजदेखि सुरु

काठमाडौँ, २१ कात्तिकः तेस्रो परा हिमालय सञ्चार तथा सामाजिक विकास सङ्गोष्ठी आजदेखि सुरु भएको छ । हिमालय आसपासका देशहरूका विज्ञ तथा सञ्चार अनुसन्धानकर्ता सहभागी सम्मेलनमा ४० वटा शोधपत्र प्रस्तुत हुनेछन् ।

चीनको युनिभर्सिटी अफ इलेक्ट्रोनिक साइन्स एण्ड टेक्नोलोजी अफ चाइना (युइएसटीसी) र त्रिवि पत्रकारिता विभागको आयोजनामा सुरु भएको गोष्ठीमा आमसञ्चार एआई क्षेत्रीय साझेदारी विपद् सञ्चार पहाडी महिला सहभागिता सम्बन्धित विषयमा प्रमुख वक्ताहरूले कार्यपत्र प्रस्तुत गर्नुहुनेछ ।

युनिभर्सिटी अफ टेक्ससका अरविन्द सिङ्घाल, त्रिवि रेक्टर प्राध्यापक खड्ग केसी, छिङ्ह्वा विश्वविद्यालयका प्रध्यापक चन छङ्फङ, जवाहरलाल नेहरू विश्वविद्यालयका प्रध्यापक मनकोण्डा रवीन्द्रनाथ, पञ्जाव विश्वविद्यालयका प्रध्यापक अविधा अस्रफ, कुमाउ विश्वविद्यालयका प्रध्यापक दीपिका पन्त, त्रिवि पत्रकारिता विभागका प्रमुख कुन्दन अर्याल, पान हिमालय कम्युनिकेसन सेन्टरका निर्देशक प्रध्यापक हान होङलगायतले कार्यपत्र प्रस्तुत गर्नुहुनेछ ।

सङ्गोष्ठीका क्रममा डिजिटल सिल्क रोड, साझा भविष्यका लागि समुदायको विकास क्षेत्रीय साझेदारीर राजनीतिक परिवर्तन, जेनजी तथा डिजिटल मिडियालगायत विषयमा शोधपत्रहरू पनि प्रस्तुत गरिनेछ । यसैबीच सङ्गोष्ठप्का क्रममा आज त्रिविको जनप्रशासन विभाग र युइएसटिसीको स्कुल अफ पब्लिक एडमिनिस्ट्रेसनको साझेदारीमा ‘रिसर्च सेन्टर फर डिजिटल एण्ड इन्टेलिजेन्स गभर्नेन्स इन पान हिमालय रिजन’को घोषणा गरिएको छ ।