पुष २९, २०८२ मंगलबार
January 13, 2026
युग खबर
२०८२ पुष १९, शनिबार
दार्चुला । दार्चुलामा लागूऔषध चरेससहित प्रहरीले दुई जनालाई पक्राउ गरेको छ। मालिकार्जुन गाउँपालिका–७ सेल्प्यास्थित महाकाली करिडोरबाट ९१७ ग्राम चरेससहित दुई युवकलाई पक्राउ गरिएको प्रहरीले जनाएको छ ।
पक्राउ पर्नेमा मालिकार्जुन गाउँपालिका–७ डिङुसीका ३० वर्षीय महेन्द्रसिंह धामी र सोही ठाउँका २८ वर्षीय मधुकर उपाध्याय रहेका छन् । उनीहरु सवार से ७ प ५३९२ नम्बरको मोटरसाइकललाई शंकाका आधारमा जाँच गर्ने क्रममा मोटरसाइकल चालक धामीको साथबाट ९१७ ग्राम चरेस बरामद गरिएको दार्चुला प्रहरीका प्रवक्ता हेमराज भट्टले बताएका छन्।
उनीहरूको साथबाट १० हजार भारतीय रुपैयाँ र एक हजार ३५० नेपाली रुपैयाँसमेत बरामद भएको प्रहरीको भनाइ छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया