नेपाल आयल निगमले डिजेल र मट्टितेलको मूल्य एक रुपैयाँ घटायो

काठमाडौंः नेपाल आयल निगमले डिजेल र मट्टितेलको मूल्य एक रुपैयाँले घटाएको छ । बुधबार राती १२ बजेदेखि लागू हुने गरि निगमले मुल्य समायोजन गरेको हो ।

पेट्रोल, हवाई ईन्धन तथा एलपी ग्याँसको मूल्य भने यथावत राखेको छ । निगमका प्रवक्ता विनितमणी उपाध्यायका अनुसार इण्डियन आयल कर्पोरेशनबाट आएको नयाँ मूल्य सूचीअनुसार समायोजन गरिएको छ ।

नयाँ मूल्य सूचीअनुसार डिजेल र मट्टितेलको बिक्री मूल्य निगमको डिपो क्षेत्रको १५ किलोमिटर परिसरभित्र प्रतिलिटर ९० रुपैयाँ कायम गरिएको बुधबार निगमद्धारा जारी प्रेश विज्ञप्तीमा जनाईएको छ ।