काठमण्डाैंः सुदूरपश्चिम प्रदेशमा हरेक वर्ष असोज संक्रान्तिका दिन मनाइने बुढी पोल्ने पर्व आज धुमधाम संग मनाईँदैछ । द्वापर युगमा भगवान श्रीकृष्णले पृतना राक्षसनीलाई मारेको खुसीयालीमा यो पर्व मनाउने गरिएको आम जनविश्वास रहेको छ ।
सोही सम्झनामा साँझपख सबै घरबाट काँस, अमरिसो लगायत पाँच थरीका घाँसले बेरेको राँको बनाएर सल्ला, बाँझ, निंगालो आदिका हांगाबिंगाहरु काटेर बनाएको बुढीलाई जलाउने गरिन्छ ।
जलेको खरानीको टिका गाईबस्तुलाई समेत लगाउने गरिन्छ । यसो गर्दा गोठमा पालिने जनावरलाई कुनै प्रकारको रोग नलाग्ने धार्मिक विश्वास रहँदै आएको छ । यो पर्व सुदूरपश्चिम प्रदेशका पहाडी समुदायले मनाउनुका साथै छिमेकी देश भारतको कुमाउ, गढवालमा पनि मनाउने गरिन्छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया