शनि भगवानको दर्शन गर्दै थाहा पाउनुहोस् आजको राशिफल

मेष (चु, चे, चो, ला, लि, लु, ले, लो, अ)

आजको दिन तपाईंको लागि अत्यन्तै अनुकूल रहेको छ। तपाईंले गरेको श्रमको उचित मूल्य प्राप्त हुनेछ। निजी कामभन्दा पनि राजनीतिक क्षेत्रमा बढी रुचि बढ्नेछ। परिवारको पूर्ण साथ र सहयोग मिल्नेछ भने प्रेम सम्बन्ध सुमधुर बन्नेछ।

 वृष (इ, उ, ए, ओ, बा, बि, बु, बे, बो)

दिन सामान्य किसिमको छ। सञ्चित धन खर्च हुने योग रहेकाले काम गर्दा विशेष सावधानी अपनाउनुहोला। यद्यपि, संकटको समयमा आफन्त वा बन्धुवान्धवको साथ मिल्नेछ भने दाजुभाइको सल्लाह लिएर अगाडि बढेमा दिन सहज बन्नेछ।

 मिथुन (का, कि, कु, घ, ङ, छ, के, को, ह)

दिन निकै सहज र सकारात्मक छ। आफ्नै बुद्धिमत्ताका कारण घाटाबाट बच्न सकिनेछ। कुनै पनि शुभ कार्यमा सहभागी हुँदा मनमा गहिरो सन्तुष्टि मिल्नेछ। राजनीतिक संगठनमा सेवा गर्ने अवसर प्राप्त हुनेछ। स्वास्थ्यले साथ दिनेछ भने लगानीका क्षेत्रमा हिम्मत गर्दा व्यापार-व्यवसायबाट राम्रो फाइदा हुनेछ।

कर्कट (हि, हु, हे, डा, डी, डु, डे, डो)

आजको दिन शुभ फलदायी रहनेछ। मनमा शान्ति छाउने र स्वास्थ्यले पूर्ण साथ दिनेछ। शिक्षाको क्षेत्रमा गरिएको प्रयास सफल हुनेछ। तर खानपानमा विशेष ध्यान नपुर्याए पेटसम्बन्धी वा अन्य रोगले सताउन सक्नेछ, सतर्क रहनुहोला।

 सिंह (मा, मि, मु, मे, मो, टा, टि, टु, टे)

दैनिकी सहज रूपमा अगाडि बढ्नेछ। परिवारको निगरानी र मार्गदर्शन प्राप्त हुन सक्छ। साथीभाइ तथा संघसंस्थाको साथ मिल्नेछ। व्यापार व्यवसायमा थप प्रगति गर्नका लागि हिम्मत गर्नुपर्ने दिन छ। परिवारसँग रमाइलो पल बिताउने अवसर जुर्नेछ।

 कन्या (टो, पा, पि, पु, ष, ण, ठ, पे, पो)

दिन सामान्य रहनेछ। तपाईंले गरेको श्रमको श्रेय वा मूल्य अरू कसैले खोस्ने जोखिम रहेकाले सचेत हुनुहोला। इच्छाविपरीत आर्थिक खर्च गर्नुपर्दा मन खिन्न हुन सक्छ। अरूको सेवा गर्दा आफ्नै स्वास्थ्य कमजोर बन्न सक्ने सम्भावना रहेको छ।

 तुला (रा, रि, रु, रे, रो, ता, ति, तु, ते)

तपाईंको बोलीको प्रभावले रोकिएका महत्त्वपूर्ण कामहरू बन्नेछन् र समाजमा मानसम्मान प्राप्त हुनेछ। राजनीतिक क्षेत्रमा सेवा गर्ने अवसर जुर्नेछ। परिवारभित्र दाजुभाइसँगको सम्बन्ध सुदृढ हुनेछ भने प्रेम सम्बन्ध थप प्रगाढ बन्नेछ।

 वृश्चिक (तो, ना, नि, नु, ने, नो, या, यि, यु)

आजको दिन सहज छ। कम बोलेर वा थोरै शब्दमा आफ्ना कुरा राख्दा धेरै प्रगति हुने योग छ। लगानीका क्षेत्रमध्ये व्यापारमा फाइदा मिल्नेछ। शिक्षा क्षेत्रमा प्रगतिको बाटो खुल्नेछ भने गुरुहरूको सहकार्यले उत्साह जगाउनेछ। यद्यपि, पारिवारिक सम्बन्धमा भने केही खटपटी बढ्न सक्छ।

 धनु (ये, यो, भा, भि, भु, ध, फा, ढ, भे)

दिन समग्रमा राम्रो छ। साथीभाइको माध्यमबाट आफ्नो काम सम्पन्न गर्नु लाभदायक हुनेछ। खानपानमा लापरवाही गरेमा स्वास्थ्यसम्बन्धी समस्या आउन सक्छ। कर्मक्षेत्रमा तपाईंले आफ्नो संघर्षको मीठो फल प्राप्त गर्नुहुनेछ र प्रेम सम्बन्ध सुमधुर रहनेछ।

 मकर (भो, ज, जि, खि, खु, खे, खो, गा, गि)

दिन सामान्य छ। परिवारकै तर्फबाट केही आरोप वा गुनासोको सामना गर्नुपर्ने अवस्था आउन सक्छ। सकेसम्म कम बोलेर आफ्नो काममा अगाडि बढ्नु बुद्धिमानी हुनेछ। बन्धुवान्धव तथा दिदीबहिनीको सल्लाहबमोजिम अगाडि बढेमा फाइदा मिल्नेछ। तर धेरै विश्वास गर्दा धोका पाइने जोखिम छ।

 कुम्भ (गु, गे, गो, सा, सि, सु, से, सो, द)

व्यापारिक क्षेत्रबाट राम्रो फाइदा हुने योग छ। अप्ठेरो परिस्थितिमा पनि परिवारको न्यानो साथ र समर्थन मिल्नेछ। आम्दानीका नयाँ स्रोत फेला पर्दा मनमा खुसी छाउनेछ। मन मिल्ने साथीको सहयोगले व्यापारमा आर्थिक लाभ हासिल हुनेछ।

 मीन (दि, दु, थ, झ, ञ, दे, दो, चा, चि)

मनमा उच्च र सकारात्मक भावनाहरूको विकास हुनेछ, जसको सही सदुपयोग गर्नु बुद्धिमानी हुनेछ। परिवारको व्यवस्थापन र उचित प्रबन्धमा तपाईंको अग्रसरता रहनेछ। प्रेम सम्बन्ध सुमधुर बन्ने सुन्दर समय छ।