इरानी उच्च अधिकारीकी छोरी अमेरिकी विश्वविद्यालयबाट निष्कासित

काठमाडौँ । अमेरिकाको एटलान्टास्थित एमोरी विश्वविद्यालयले इरानको सर्वोच्च राष्ट्रिय सुरक्षा परिषद्का सचिव अली लारिजानीकी छोरीलाई निष्कासन गरेको छ ।

फातिमा अर्देशिर लारिजानी एटलान्टाको एमोरी विश्वविद्यालयमा क्यान्सर अनुसन्धान विभागमा काम गर्थिन् । केही समयदेखि इरानी सरकारका विरोधीहरूले फातिमाको बर्खास्तगीको माग गर्दै विश्वविद्यालय क्याम्पस बाहिर विरोध प्रदर्शन गरिरहेका छन् ।

यसअघि जर्जियाका अमेरिकी प्रतिनिधि अर्ल कार्टरले फातिमा लारिजानीको बर्खास्तगी र उनको मेडिकल लाइसेन्स खारेज गर्न माग गर्दै विश्वविद्यालय प्रशासनलाई पत्र लेखेका थिए । जनवरी २०२५ मा, अमेरिकाले इरानमा सरकार विरोधी प्रदर्शनलाई दबाउन र ‘छाया बैंकिङ’ नेटवर्क र तेल राजस्वको मनी लान्ड्रिङसँग सम्बन्धित गतिविधिहरूमा उनको भूमिकाको आरोपका कारण अली लारिजानीलाई प्रतिबन्ध सूचीमा थपेको थियो ।

यसैबीच, विदेशमा बस्ने इरानीहरूले इरानमा भइरहेको राष्ट्रव्यापी विरोध प्रदर्शनको समर्थनमा धेरै देशहरूमा प्रदर्शन गरेका छन् र त्यहाँका सरकारहरूलाई इरानी शासनसँग सम्बन्धित व्यक्तिहरूलाई निष्कासन गर्न माग गरेका छन्। एजेन्सी