मंग्सिर ३, २०८३ बिहिबार November 19, 2026

बेन स्टोक्सले लिए अन्तर्राष्ट्रिय क्रिकेटबाट सन्न्यास

स्टोक्स इंग्ल्याण्डका अहिलेसम्मकै सर्वोत्कृष्ट अलराउन्डरमध्येका एक मानिन्छन्

शेयर गर्नुहोस:
फन्ट परिवर्तन गर्नुहोस: अ अ अ

एजेन्सी। ईंग्ल्यान्डका अलराउन्डर बेन स्टोक्सले अन्तर्राष्ट्रिय क्रिकेटबाट सन्न्यासको घोषणा गरेका छन् । हाल ट्रेन्ट ब्रिजमा जारी न्यूजिल्यान्डविरुद्धको तेस्रो टेस्टकै बीचमा उनले सन्न्यासको घोषणा गरेका हुन् ।

स्टोक्स इंग्ल्याण्डका अहिलेसम्मकै सर्वोत्कृष्ट अलराउन्डरमध्येका एक मानिन्छन् । ट्रेन्ट ब्रिजमा जारी खेलमा बलिङ गरिरहेकै समयमा उनको सन्यास सम्बन्धी आधिकारिक विज्ञप्ति सार्वजनिक गरिएको थियो ।

३५ वर्षिय स्टोक्स लन्डनको एक नाइट क्लबको घटनामा सङ्लग्न भएपछि इंग्ल्याण्डको दोस्रो टेस्टमा अनुपस्थित थिए। नटिङ्घममा टोलीको नेतृत्व सम्हाल्न फर्कनुअघि उनले केवल ‘यस हप्ता’ का लागि मात्र टोलीको नेतृत्व गर्ने संकेत गरेका थिए।

स्टोक्सले न्युजिल्याण्ड विरुद्धको निर्णायक टेस्टको चौथो दिनको खेल सुरु हुनुअघि आफ्ना सहकर्मीहरूलाई आफ्नो सन्यासको निर्णयबारे जानकारी गराएका थिए।

इंग्ल्याण्डको ड्रेसिङ रुममा निकै भावुक हुँदै स्टोक्सले भने, ‘मैले सन्यास लिनुका कारणहरू के हुन् भन्ने कुरा पछि गरौँला, तर मैले यो टोलीका लागि, तपाईँहरूका लागि र मभन्दा अघिका खेलाडीहरूका लागि धेरै पटक कडा मेहनत र संघर्ष गरेको छु। अब मसँग केवल एक पटक (यो खेलका लागि) कडा मेहनत गर्न बाँकी छ।’

उनले थपे, ‘मैले तपाईँहरूसँग गर्ने एउटै अनुरोध के हो भने, कृपया तपाईँहरू सबैले पनि त्यसै गरिदिनुहोला ।’ ‘हामीले अझै धेरै कडा परिश्रम गर्न बाँकी छ । नतिजा जेसुकै आओस्, तर मैदानबाट बाहिरिँदा यो टोलीले अन्तिम दुई दिन आफ्नो सबै प्रयास लगाएको थियो भन्ने कुरामा म ढुक्क हुन चाहन्छु । मेरो स्वार्थका लागि मात्र होइन, यो टोलीका लागि सबैले आफ्नो शतप्रतिशत दिनुहोस् भन्ने म चाहन्छु ।’

अन्तमा उनले भने, ‘मैले आफ्नो भावुक पक्षलाई सम्हालिसकेको छु। अब मैदानमा उत्रिएर काम देखाउने समय आएको छ। कृपया, सबैजना मलाई साथ दिनुहोस् ।’

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार