मंग्सिर ३, २०८३ बिहिबार November 19, 2026

फिफा विश्वकप : पेनाल्टीमा कोलम्बिया पराजित, स्विट्जरल्यान्ड ७२ वर्षपछि क्वार्टरफाइनलमा

अब स्विट्जरल्यान्डले शनिबार क्यान्सस सिटीमा हुने क्वार्टरफाइनलमा साविक विजेता अर्जेन्टिनासँग खेल्ने

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । विश्वकप २०२६ को अन्तिम १६ अन्तर्गत भएको खेलमा स्विट्जरल्यान्डले कोलम्बियालाई पेनाल्टी सुटआउटमा ४–३ ले हराउँदै क्वार्टरफाइनलमा स्थान बनाएको छ। निर्धारित ९० मिनेट र अतिरिक्त समयमा दुवै टोलीबाट गोल हुन नसकेपछि खेल पेनाल्टीमा पुगेको थियो ।

बुधबार बिहान भएको यो खेल विश्वकप २०२६ मा अमेरिकाबाहिर खेलिएको अन्तिम खेल पनि थियो।

पेनाल्टी सुटआउटमा दुवै टोलीले एक–एक प्रहार चुकाए। त्यसपछि स्विट्जरल्यान्डका गोलकिपर ग्रेगर कोबेलले कुचो हेर्नान्डेजको पेनाल्टी उत्कृष्ट रूपमा बचाए । त्यसपछि रुबेन भार्गासले निर्णायक पेनाल्टी गोल गर्दै स्विट्जरल्यान्डलाई जित दिलाए।

भ्यानकुभरमा हजारौं समर्थकको साथ पाएको कोलम्बियाले यसअघिका चार खेलमा केवल एक गोल मात्र खाएको थियो। स्विट्जरल्यान्डको रक्षा पंक्ति पनि प्रतियोगिताभर बलियो देखिएको थियो।

खेलको पहिलो राम्रो अवसर २१औँ मिनेटमा आयो। कोलम्बियाका गुस्ताभो पुर्टाले पेनाल्टी क्षेत्रबाहिरबाट गरेको घुमाउरो प्रहारलाई कोबेलले उत्कृष्ट बचाउ गरे। पहिलो ‘हाइड्रेसन ब्रेक’पछि स्विट्जरल्यान्डले आक्रामक खेल देखायो। फाबियन रिडरको प्रहारलाई कोलम्बियाका गोलकिपर कामिलो भार्गासले रोके भने डान एन्डोयेको प्रयास पनि विफल बनाए ।

पहिलो हाफ गोलरहित बराबरीमा सकियो। दुवै टोलीले राम्रो रक्षा गरे पनि आक्रमणमा प्रभावकारी बन्न सकेनन्। दोस्रो हाफको सुरुआतमा स्विट्जरल्यान्ड हाबी देखियो। कोलम्बियाले पनि केही अवसर सिर्जना गर्‍यो, तर लुइस सुआरेजले राम्रो मौका सदुपयोग गर्न सकेनन्।

दुवै प्रशिक्षकले दोस्रो हाफमा धेरै खेलाडी परिवर्तन गरे पनि खेलमा ठूलो अन्तर पर्न सकेन। कोलम्बियाका स्टार विंगर लुइस डियाजलाई पनि स्विस रक्षापंक्तिले प्रभावहीन बनायो। इन्जुरी समयमा एन्डोयेको प्रहार गोलअगाडि भएर गएको थियो, तर त्यसमा कुनै खेलाडीले स्पर्श गर्न नसक्दा खेल निर्धारित समयमा ०–० को बराबरीमा सकियो।

अतिरिक्त समयको पहिलो हाफमा खेल केही रोमाञ्चक बन्यो। कोलम्बियाका डिफेन्डर जोन लुकुमीको हेडर क्रसबारमा लाग्यो भने जामिन्टन काम्पाजको शक्तिशाली प्रहारलाई पनि कोबेलले बचाए।

अर्कोतर्फ, कोलम्बियाका गोलकिपर कामिलो भार्गासले वैकल्पिक खेलाडी जेकी आमडुनीको प्रहार रोके। अतिरिक्त समय सकिन पाँच मिनेट बाँकी रहँदा काम्पाजले उत्कृष्ट अवसर गुमाए। त्यसपछि पनि कुनै टोलीले गोल गर्न नसकेपछि खेलको निर्णय पेनाल्टी सुटआउटबाट गरिएको थियो।

अब स्विट्जरल्यान्डले शनिबार क्यान्सस सिटीमा हुने क्वार्टरफाइनलमा साविक विजेता अर्जेन्टिनासँग खेल्नेछ। अर्जेन्टिनाले यसअघि इजिप्टलाई ३–२ ले हराएर अन्तिम आठमा स्थान बनाएको थियो। स्विट्जरल्यान्ड सन् १९५४ मा आफ्नै घरेलु मैदानमा आयोजना भएको विश्वकपपछि पहिलो पटक क्वार्टरफाइनल पुगेको हो।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार