मंग्सिर ६, २०८३ आइतबार November 22, 2026

सातै प्रदेशमा जलन उपचार र मानसिक स्वास्थ्य सेवा सुदृढ गर्न मन्त्री मेहताको निर्देशन

स्वास्थ्य विज्ञान प्रतिष्ठानका उपकुलपतिसँग मन्त्री मेहताको भर्चुअल बैठक, सेवा सुधारमा जोड

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । स्वास्थ्य तथा खाद्य स्वच्छता मन्त्री निशा मेहताको निर्देशनमा नवनियुक्त स्वास्थ्य विज्ञान प्रतिष्ठानका उपकुलपतिहरूसँग भर्चुअल बैठक सम्पन्न भएको छ। बैठकमा देशभर जलन उपचार सेवा र मानसिक स्वास्थ्य सेवाको अवस्था सुधार गर्ने विषयमा छलफल भएको छ।

बैठकमा विभिन्न स्वास्थ्य विज्ञान प्रतिष्ठानले आफ्नो संस्थामा सञ्चालन भइरहेको जलन उपचार सेवाको वर्तमान अवस्था, उपलब्ध स्रोत-साधन, विद्यमान चुनौती तथा आगामी योजनाबारे प्रस्तुति दिएका थिए।

जलन उपचार सेवालाई थप प्रभावकारी बनाउन आवश्यक जनशक्ति, स्वास्थ्यकर्मीको क्षमता विकास, पूर्वाधार, उपकरण, औषधि तथा अन्य आवश्यक सामग्रीको प्रदेशगत विवरण संकलन गरी सोही आधारमा सुधारका कार्यक्रम अघि बढाउने सहमति भएको छ।

बैठकले स्वास्थ्य विज्ञान प्रतिष्ठानअन्तर्गत सञ्चालनमा रहेका मनोसामाजिक परामर्श केन्द्रलाई थप व्यवस्थित र सेवामुखी बनाउने निर्णयसमेत गरेको छ। अस्पतालमा उपचारका लागि आउने सेवाग्राहीलाई मनोसामाजिक परामर्श सेवाको उपलब्धता, उपयोगिता र पहुँचबारे प्रभावकारी जानकारी गराउने तथा आवश्यक परामर्श सहज रूपमा उपलब्ध गराउने विषयमा छलफल भएको थियो।

मन्त्री मेहताले जलन उपचार र मानसिक स्वास्थ्य सेवाको पहुँच विस्तार तथा गुणस्तर अभिवृद्धिलाई सरकारको प्राथमिकतामा राखिएको बताउँदै सबै प्रदेशमा सेवा सुदृढीकरणका लागि सम्बन्धित निकायबीच समन्वय बढाएर कार्यान्वयन प्रक्रिया अघि बढाइने जानकारी दिएकी छन्।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
Tourists Depart Sagarmatha Region as Winter Chill Intensifies
२०८३ मंग्सिर ६, आइतबार
सन्तानेश्वर मन्दिर संरक्षण र पूर्वाधार विकासको पर्खाइमा
२०८३ मंग्सिर ६, आइतबार
चिसो बढेसँगै सगरमाथा क्षेत्रबाट बाहिरिने पर्यटकको सङ्ख्या बढ्दो
२०८३ मंग्सिर ६, आइतबार
कर्णालीमा दसौँ राष्ट्रिय खेलकुदको तयारी अन्तिम चरणमा, ३२ खेलको स्थल तय
२०८३ मंग्सिर ६, आइतबार
प्रधानमन्त्री शाह आज भारतको राजकीय भ्रमणमा जाँदै
२०८३ मंग्सिर ६, आइतबार
मलेसिया स्वास्थ्य परीक्षण अनियमितता : छानबिनको दायरामा परेनन् निर्णयकर्ता
२०८३ मंग्सिर ६, आइतबार
इरानको आणविक नीतिमा परिवर्तनको पक्षमा छैनन् चीन र रुस : अराघची
२०८३ मंग्सिर ६, आइतबार