के फ्रान्सले चौथो पटक लैजाला त विश्वकपको काँस्य पदक ?

काठमाडौं, २ असार । हारको पीडाबाट अझै तंग्रिन बाँकी रहेका फ्रान्स र इङ्गल्याण्ड यस्तो विश्वकप खेलमा आमनेसामने हुँदैछन् । जुन उनीहरूमध्ये कसैले पनि चाहेका थिएनन्यो । तेस्रो स्थानका लागि हुने त्यस्तो खेल हो जसले केवल प्रतीकात्मक ‘कांस्य पदक’ बाहेक खासै ठूलो अर्थ राख्दैन।

मियामी, फ्लोरिडा, मियामी स्टेडियममा शनिवार स्थानिय समय अनुसार साँझ ५ः०० बजे अर्थात नेपाली समय अनुसार राती २ः४५ बजेवाट यो खेल सुरू हुनेछ।

तेस्रो विश्वकप उपाधि थप्ने दृढ दावेदार टोली फर्ममा रहेको फ्रान्सलाई सेमिफाइनलमा दबंग स्पेनले पराजित गर्यो, जबकि अर्जेन्टिनासँग क्रूर हारपछि इङ्गल्याण्ड प्रमुख ट्रफीको लागि ६ दशकको पीडादायी पर्खाइ जारी रह्यो।

विश्वले अत्यन्तै महत्त्वपूर्ण फाइनल हेर्नको लागि तत्पर हुनुभन्दा एक दिन अघि फ्रान्स र इङ्गल्याण्डले उत्तरी अमेरिकामा अन्तिम पटक खेल्नेछन्, आफ्नो निराशाजनक अभियानलाई सकारात्मक रूपमा अन्त्य गर्ने आशा जगाउन ।

तेस्रो स्थानका लागि हुने खेलमा खासै ठूलो दाउपेच वा महत्त्व हुँदैन । साथै, यसअघि खेलेका तीनमध्ये दुईवटा ‘तेस्रो स्थानको खेल’ जितिसकेको फ्रान्सलाई यस्तो खेल कति निरस हुन सक्छ भन्ने राम्रोसँग थाहा छ। तर, शनिबारको खेलमा भने उनीहरूले पुनः एकपटक सशक्त प्रदर्शन गर्ने एउटा बलियो कारण छ – यो खेल प्रशिक्षक डिडियर डेसच्याम्प्सको नेतृत्वमा फ्रान्सले खेल्ने अन्तिम खेल हो।

समूह चरणकै क्रममा आफ्नी आमा गुमाएका डेसच्याम्प्स विगत १४ वर्षदेखि फ्रान्सको प्रशिक्षकका रूपमा कार्यरत छन्। उनको नेतृत्वमा टोलीले सन् २०१८ को विश्वकप उपाधि जित्यो, साथै सन् २०२२ को फाइनल र यस वर्षको सेमिफाइनलसम्मको यात्रा तय गर्‍यो।

५७ वर्षीय प्रशिक्षकको नेतृत्वमा ‘ले ब्लुज’ले विगत एक दशकमा आफूलाई विश्वकै सबैभन्दा स्थिर र सशक्त टोलीमध्ये एकका रूपमा स्थापित गरेको छ र वर्तमान परिस्थितिलाई हेर्दा तेस्रो स्थान हासिल गर्नु नै उनको प्रतिष्ठित कार्यकालको सुखद समापनका लागि उत्तम उपाय हुन सक्छ।

प्रशिक्षकको बिदाइको प्रसङ्गभन्दा बाहेक, फ्रान्सेली टोलीमा खुसी मनाउने अन्य कारणहरू पनि हुन सक्छन्। कप्तान तथा स्टार स्ट्राइकर किलियन एम्बाप्पेसँग ‘गोल्डेन बुट’ जित्ने र प्रतियोगिताको इतिहासमै सर्वाधिक गोलको कीर्तिमान बराबरी गर्ने वा तोड्ने अवसर छ।

हालका गोल्डेन बुट विजेता एम्बाप्पे यस वर्षको दौडमा लियोनेल मेस्सीभन्दा पछि दोस्रो स्थानमा छन्, दुवै खेलाडी समान आठ गोलमा छन् तर अर्जेन्टिनी खेलाडी मेस्सीका चार ‘असिस्ट’ले उनलाई एम्बाप्पे (जसका तीन असिस्ट छन्ं) भन्दा अगाडि राखेको छ। साथै, विश्वकपमा सर्वाधिक गोल २१ को कीर्तिमान बराबरी गर्न पनि यी फ्रान्सेली खेलाडी मेस्सीभन्दा मात्र एक गोलले पछि छन्।

यदि एम्बाप्पेले मेस्सीलाई पछि पार्दै यो पुरस्कार जितेमा २७ वर्षीय उनी दुई पटक गोल्डेन बुट जित्ने पहिलो खेलाडी बन्नेछन्।

विश्वकपमा छनोट भएका कुनै पनि टोलीले खेलकुदको सबैभन्दा ठूलो मञ्चमा खेल्न नचाहेको कुरा विरलै सुन्न पाइन्छ।

तर फुटबलमा तेस्रो स्थानका लागि प्रतिस्पर्धा गर्नु भनेको ‘ट्र्याक एण्ड फिल्ड’ अर्थात एथलेटिक्समा पदक जित्नुजस्तो पक्कै होइन। अधिकांश टोलीका लागि – विशेष गरी इङ्गल्याण्ड र फ्रान्सजस्ता उच्च स्तरका टोलीका लागि यो केही मिनेटको क्षणिक र सुखद अनुभूति मात्र हो।

यसले खेलाडीहरूलाई सफलताको एकदमै नजिक पुगेर पनि टाढै रहेको महसुस गराउँछ।

अर्जेन्टिनासँगको हारपछि इङ्गल्याण्डका प्रशिक्षक थोमस टुचेलले भने, ‘हाम्रा वा फ्रान्सका कुनै पनि खेलाडी यो खेल खेल्न चाहँदैनन्। उनीहरू फाइनल खेल्न चाहन्थे। त्यो लक्ष्य हासिल गर्न हामीले आफ्नो तर्फबाट सक्दो प्रयास गरेका थियौं। हरेक खेलाडी विश्वकप जित्नकै लागि खेल्छन् तर यथार्थ यस्तै छ।’

फ्रान्सका प्रशिक्षक डेसच्याम्प्सले पनि उस्तै धारणा राख्दै मैदानमा उत्रिनु बाहेक आफूहरूसँग अर्को विकल्प नभएको बताए।

उनले थपे, ‘हामी जहाँ पुग्न चाहन्थ्यौं वा अपेक्षा गरेका थियौं, त्यहाँ पुग्न सकेनौँ। हाम्रो महत्त्वाकाङ्क्षा जति ठूलो थियो, निराशा पनि त्यत्तिकै छ तर हामीले यसलाई स्वीकार्नै पर्छ।’

ओप्टा सुपरकम्प्युटरले खेल अघि गरिएका २५,००० सिमुलेसनमध्ये ५०.७ प्रतिशतमा ९० मिनेटभित्रै जित हासिल गर्दै फ्रान्सलाई तेस्रो स्थान सुरक्षित गर्ने मुख्य दाबेदारका रूपमा चयन गरेको छ भने अर्को सबैभन्दा सम्भावित नतिजा इङ्ल्यान्डको जित हुने २५.६ प्रतिशत रहेको छ ।