मंग्सिर ३, २०८३ बिहिबार November 19, 2026

बालोगुनको ‘रेड कार्ड’ प्रकरणमा नर्वेले फिफासमक्ष उजुरी दिने

फो लारिन बालोगुन माथि लगाइएको विश्वकप प्रतिबन्ध निलम्बन गरिएको विषयमा फिफामा औपचारिक उजुरी दर्ता गर्ने तयारी

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, ८ साउन । अमेरिकन फुटवल खेलाडी बालोगुनको ‘रेड कार्ड’ प्रकरणबारे नर्वेले फिफासमक्ष औपचारिक उजुरी दिने भएको छ।

अमेरिकी राष्ट्रपति डोनाल्ड ट्रम्पको आग्रह पछि फिफाले विश्वकपमा अमेरिकी फरवार्ड बालोगुन माथि रेड कार्डका कारण लगाइएको निलम्बन फुकुवा गरेको थियो।

नर्वेको फुटबल संघकी प्रमुख लिसे क्लाभेनेसले द टाइम्स दैनिकलाई बताए अनुसार फो लारिन बालोगुन माथि लगाइएको विश्वकप प्रतिबन्ध निलम्बन गरिएको विषयमा फिफामा औपचारिक उजुरी दर्ता गर्ने तयारीमा छन् । ‘किनभने यस कदमले सम्पूर्ण खेललाई नै जोखिममा पारेको छ’ उनले भनिन ।

नर्वेजियन फुटबल संघकी अध्यक्ष लिसे क्लाभेनेसले उक्त घटनाका सम्बन्धमा फिफाको आचारसंहिता समितिमा उजुरी दर्ता गर्न आफूले आफ्नो बोर्डको समर्थन खोज्ने बताएकी छिन्।

फिफाका प्रमुख जियानी इन्फान्टिनोले अमेरिकी राष्ट्रपति डोनाल्ड ट्रम्पलाई प्रदान गरेको ‘शान्ति पुरस्कार’, जुन व्यापक रूपमा उपहासको पात्र बनेको थियो,  विषयमा नर्वेले यसअघि नै उजुरी दर्ता गरिसकेको छ।

‘म यसलाई बोर्ड बैठकमा लैजानेछु र मेरा बोर्ड सदस्यहरूसँग छलफल गर्नेछु, अनि मात्र हामी अघि बढ्नेछौं,’ क्लाभेनेसले बिहीबार प्रकाशित द टाइम्ससँगको अन्तर्वार्तामा भनिन्, ’मेरो विचारमा, यो पनि नैतिक उजुरीकै दायरामा आउने विषय हो।’

‘जब तपाईं यसरी नियम तोड्नुहुन्छ, तपाईं यस्तो जोखिमपूर्ण बाटोमा हिँड्नुहुन्छ जसले सम्पूर्ण खेललाई नै खतरामा पार्न सक्छ,’ क्लाभेनेसले भनिन्, ‘खेलका आधारभूत नियमहरूसँग सम्झौता गर्नु खेलका लागि चिन्ताको विषय हो।’

उनले अगाडी भनिन, ‘सबैभन्दा पहिले त, यस्तो घटना हुनै नपर्ने थियो। अब यस विषयमा इमानदार संवाद हुनु धेरै महत्त्वपूर्ण छ।’

बालोगुन प्रकरणमा ट्रम्पको संलग्नताले नै यो विवाद निम्त्याएको थियो। बोस्निया र हर्जगोभिना विरुद्धको अन्तिम ३२ को खेलमा बालोगुनले रेड कार्ड पाएका थिए, जसका कारण बेल्जियम विरुद्धको खेलमा उनी स्वतः निलम्बनमा परेका थिए।

तर फिफाले हस्तक्षेप गर्दै उनको निलम्बन फुकुवा गरिदियो, जसको व्यापक आलोचना भयो । विशेष गरी जब ट्रम्पले इन्फान्टिनोलाई फोन गरेर हस्तक्षेप गरेको कुरा बाहिर आयो। यो विवाद बढीरहेको भए पनि बेल्जियमले सह आयोजक अमेरिकन टोलीलाई ४–१ को फराकिलो अन्तरले पराजित गर्‍यो।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार
बाजुरामा यस वर्ष ३३७ मेट्रिकटन स्याउ उत्पादन
२०८३ मंग्सिर ३, बिहिबार
एन्फामाथिको निलम्बन र प्रतिबन्ध फुकुवा
२०८३ मंग्सिर ३, बिहिबार