श्रावण २२, २०८३ शुक्रबार
August 7, 2026
युग खबर
२०८३ श्रावण २२, शुक्रबार
काठमाडौं । नेपाल फार्मेसी परिषद्का नवनियुक्त रजिस्ट्रार डा. हरिश सिंह थापा र शहीद गंगालाल राष्ट्रिय हृदय केन्द्रका नवनियुक्त निर्देशक प्रा.डा. आशिष गोविन्द अमात्यले पद तथा गोपनीयताको शपथ लिएका छन्।
उनीहरूले स्वास्थ्य तथा खाद्य स्वच्छता मन्त्री निशा मेहेतासमक्ष पद तथा गोपनीयताको शपथ ग्रहण गरेका हुन्।
शपथ ग्रहण समारोहमा मन्त्री मेहेताले दुवै पदाधिकारीलाई सफल कार्यकालको शुभकामना दिँदै आफ्नो जिम्मेवारीलाई इमानदारी, पारदर्शिता र जनउत्तरदायी ढंगले निर्वाह गर्न आग्रह गरेकी छन्।
नेपाल फार्मेसी परिषद्को रजिस्ट्रारका रूपमा डा. थापाले फार्मेसी व्यवसायको नियमन, फार्मेसी शिक्षा तथा जनशक्तिको व्यावसायिक मापदण्ड कायम गर्ने लगायतका क्षेत्रमा महत्वपूर्ण जिम्मेवारी सम्हाल्नेछन्। परिषद्ले फार्मेसी व्यवसायी तथा फार्मेसी शिक्षासम्बन्धी विभिन्न विषयमा नियमनकारी भूमिका निर्वाह गर्दै आएको छ।
त्यस्तै, प्रा.डा. अमात्यले शहीद गंगालाल राष्ट्रिय हृदय केन्द्रको निर्देशकको जिम्मेवारी सम्हालेसँगै केन्द्रको प्रशासनिक तथा स्वास्थ्य सेवा व्यवस्थापनको नेतृत्व गर्नेछन्। मुटु रोगको उपचार तथा सेवामा विशिष्ट पहिचान बनाएको केन्द्रले सर्वसाधारणलाई विशेषज्ञ स्वास्थ्य सेवा प्रदान गर्दै आएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया