नेपाली सेनाको स्वास्थ्य टोलीद्वारा बाढीपीडितको उपचार जारी

काठमाडौँ, १० भदौः नेपाली सेनाले रसुवाको भोटेकोशीमा बाढी आउँदा घाइते भएकाहरुको उद्धारसँगै उपचारलाई पनि तीव्रता दिएको जनाएको छ ।

सेनाका अनुसार छाउनीस्थित वीरेन्द्र सैनिक अस्पतालबाट चिकित्सकसहित आठ चिकित्सक, एक सर्जन र एक अर्थोपेडिसियनसहित २६ जनाको स्वास्थ्यकर्मी टोलीले नुवाकोटस्थित त्रिशूलीमा खटिई घाइतेको उपचार जारी राखेको छ ।

उक्त स्वास्थ्यकर्मीको टोलीले हालसम्म ६५ जनाको उपचार गरिसकेको जनाएको छ । जसमध्ये छ जनाको मृत्यु भइसकेको छ भने तीन जना जटिल घाइतेलाई प्राथमिकता उपचारपछि त्रिवि शिक्षण अस्पताल पठाइएको छ । साथै एक जना घाइतेको हाल सैनिक अस्पतालमा उपचार भइरहेको सेनाले जनाएको छ ।

नेपाली सेनाले घाइतेको उपचारका लागि ‘पोर्टेबल फिल्ड हस्पिटल’ भीष्म क्युबलाई सडकमार्गबाट त्रिशूली पु¥याएको जनाएको छ । रासस