अवैध लागूऔषध सहित विभिन्न स्थानबाट २० जना पक्राउ

झापा, झापा गाउँपालिका-४ सुकुमबासी बस्तीबाट अवैध लागूऔषध ब्राउनसुगर जस्तो देखिने पदार्थ १ ग्राम २६ मिलिग्राम सहित बाह्रदर्शी गाउँपालिका-७ बस्ने २७ वर्षीय सन्तोष क्षेत्रीलाई बिहीबार राति प्रहरीले पक्राउ गरेको छ । प्रहरी चौकी टाघनडुब्बाबाट खटिएको प्रहरीले उनलाई उक्त पदार्थ सहित पक्राउ गरेको छ ।

यसैगरी झापा, दमक नगरपालिका-५ यलम्बर चोकबाट अवैध लागूऔषध खैरो हेरोइन जस्तो देखिने पदार्थ ३ ग्राम २ सय ३० मिलिग्राम सहित इलाम चुलाचुली गाउँपालिका-५ बस्ने ३५ वर्षीय हिरालाल विश्वकर्मालाई बिहीबार राति प्रहरीले पक्राउ गरेको छ । इलाका प्रहरी कार्यालय दमकबाट खटिएको प्रहरीले उनलाई उक्त पदार्थ सहित पक्राउ गरेको हो ।

बाँके, नेपालगंज उपमहानगरपालिका-१३ गंगापुरबाट अवैध लागूऔषध ब्राउनसुगर जस्तो देखिने पदार्थ ६ सय ६० मिलिग्राम सहित ३ जनालाई बुधबार बेलुकी प्रहरीले पक्राउ गरेको छ । पक्राउ पर्नेहरूमा खजुरा गाउँपालिका-१ सैनिक बस्ने २६ वर्षीय रस्मित थापा, बर्दिया बढैयाताल नगरपालिका-८ शितलाबजार बस्ने २९ वर्षीय पबन उपाध्याय र  सोही नगरपालिका-९ मैनापोखर बस्ने २७ वर्षीय शिशिर पौडेल रहेका छन् । प्रहरी चौकी तेलियपुर खटिएको प्रहरीले उनीहरूलाई उक्त पदार्थ सहित पक्राउ गरेको हो । साथै प्रहरीले रस्मितले प्रयोग गरेको भे.५ प २७२५ नम्बरको मोटरसाइकल समेत बरामद गरेको छ ।

नवलपरासी पश्‍चिम, रामग्राम नगरपालिका-४ जितपुरबाट नियन्त्रित लागूऔषध डाईजेपाम २० एम्पुल, बुप्रेनोर्फिन २० एम्पुल र फेनारगन २० एम्पुल सहित रूपन्देही बुटवल उपमहानगरपालिका-२ पाखापानी बस्ने ३६ वर्षीय अमन राईलाई बिहीबार राति प्रहरीले पक्राउ गरेको छ । प्रहरी चौकी गेर्मी समेतबाट खटिएको प्रहरीले लु.प्र.०१-००१ ह २७५० नम्बरको ई-रिक्सालाई जाँच गर्ने क्रममा उक्त लागूऔषध फेला पारी ई-रिक्सामा सवार अमनलाई पक्राउ गरेको हो । प्रहरीले हाल फरार ई-रिक्सा चालकको खोजी गरिरहेको छ ।

सुनसरी, देवानगंज गाउँपालिका-३ बाट अवैध लागूऔषध खैरो हेरोइन जस्तो देखिने पदार्थ २ सय १० मिलिग्राम सहित सोही गाउँपालिका-१ मेहता टोल बस्ने २० वर्षीय सन्दिप कुमार मेहतालाई बिहीबार बेलुकी प्रहरीले पक्राउ गरेको छ । प्रहरी चौकी कप्तानगञ्जबाट खटिएको प्रहरीले भारतबाट नेपालतर्फ आउँदै गरेको को.२५ प ७८९७ नम्बरको मोटरसाइकलमा सवार उनलाई उक्त पदार्थ सहित फेला पारी पक्राउ गरेको हो ।

यसैगरी सुनसरी, इटहरी उपमहानगरपालिका-२० बाट नियन्त्रित लागूऔषध नाइट्राजेपाम १ सय ९० ट्याब्लेट सहित दुहवी नगरपालिका-२ बस्ने २० वर्षीय मो.दिलकस समेत २ जनालाई बिहीबार दिउँसो प्रहरीले पक्राउ गरेको छ । कोशी प्रदेश प्रहरी कार्यालय धरान समेतबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो ।

यसैगरी सुनसरी, रामधुनी नगरपालिका-५ बसपार्कस्थित चाम्लिङ होटल एण्ड लजबाट अवैध लागूऔषध ब्राउनसुगर जस्तो देखिने पदार्थ १६ ग्राम २ सय २० मिलिग्राम सहित हरिनगर गाउँपालिका-७ बस्ने ५२ वर्षीय मोजामिल अन्सारी समेत २ जनालाई शुक्रबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय विराटनगर समेतबाट खटिएको प्रहरीले उक्त होटल तलासी गर्दा उक्त पदार्थ फेला पारी उनीहरूलाई पक्राउ गरेको हो ।

कैलाली, धनगढी उपमहानगरपालिका-८ कान्तिपुर टोलबाट अवैध लागूऔषध ब्राउनसुगर जस्तो देखिने पदार्थ १ ग्राम ६ सय ६० मिलिग्राम सहित ३ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-८ बस्ने १९ वर्षीय प्रबत चौधरी, कैलारी गाउँपालिका-५ बस्ने २० वर्षीय सुजित चौधरी र ४२ वर्षीय श्याम बहादुर चौधरी रहेका   छन् । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।

यसैगरी कैलाली, धनगढी उपमहानगरपालिका-७ मोतिचोकबाट अवैध लागूऔषध ब्राउनसुगर जस्तो देखिने पदार्थ १ सय ८०  मिलिग्राम सहित सोही उपमहानगरपालिका-१५ बस्ने २२ वर्षीय राधेश्याम चौधरीलाई बिहीबार दिउँसो प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनलाई उक्त पदार्थ सहित पक्राउ गरेको हो ।

सुर्खेत, वीरेन्द्रनगर नगरपालिका-११ सुब्बाकुनाबाट अवैध लागूऔषध खैरो हेरोइन जस्तो देखिने पदार्थ १९ ग्राम ५ सय १० मिलिग्राम सहित सोही नगरपालिका-५ चिसापानी बस्ने ३२ वर्षीय दिपेन्द्र बैगार समेत ४ जनालाई बिहीबार बेलुकी प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय सुर्खेत समेतबाट खटिएको प्रहरीले क.प्र.०२-००१ च ०८७६ नम्बरको स्कारपियो गाडीमा सवार उनीहरूलाई उक्त पदार्थ सहित फेला पारी पक्राउ गरेको हो ।

सर्लाही, लालबन्दी नगरपालिका-८ गुम्बाटोलबाट अवैध लागूऔषध गाँजा करिब ७ सय ८५ ग्राम, नियन्त्रित लागूऔषध स्पास्मो १६ ट्याब्लेट र नाइट्राजेपाम ४ सय १० टयाब्लेट सहित सोही ठाउँ बस्ने ५६ वर्षीया दिल कुमारी गोलेलाई बिहीबार दिउँसो प्रहरीले पक्राउ गरेको छ । इलाका प्रहरी कार्यालय लालबन्दीबाट खटिएको प्रहरीले उनलाई उक्त लागूऔषध सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।