श्रावण २, २०८२ शुक्रबार
July 18, 2025
युग खबर
२०७७ कार्तिक ९, आइतबार
काठमाण्डौंः नेपाली काँग्रेसले प्रत्येक बर्ष कोजाग्रत पूर्णिमाका दिन आयोजना गर्दै आएको शुभकामना आदान–प्रदान तथा चियापान कार्यक्रम कोरोना भाइरस संक्रमणका कारण यस बर्ष स्थगित गरेको छ ।
कांग्रेसले आइतबार एक विज्ञप्ति जारी गर्दै कोभिड-१९ का कारण यो वर्ष चियापान र शुभकामना आदानप्रदान नगर्ने जानकारी गराएको हो ।
वि.सं. २०३३ सालमा बीपी कोइराला राष्ट्रिय एकता तथा मेलमिलापको नीति लिई स्वदेश फर्केपछि २०३४ सालदेखि प्रत्येक वर्ष नेपाली कांग्रेसले कोजाग्रत पूर्णिमाको दिनमा चियापान समारोह गरी शुभकामना आदानप्रदान गर्दै आएको छ ।
विज्ञप्तीमा भनिएको छ,’विश्वव्यापी रुपमा फैलिएको कोभिड-१९ संक्रमण महामारीका कारण यस वर्षको कात्तिक १४ गते कोजाग्रत पूर्णिमाको दिन हुने शुभकामना आदान-प्रदान तथा चियापान कार्यक्रम आयोजना नगरिने व्यहोरा सबैलाई जानकारी गराइन्छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया