सुनचाँदीको मूल्यमा वृद्धि

काठमाडौं। नेपाली बजारमा शुक्रबार (असोज २३) सुन र चाँदी दुवैको मूल्यमा वृद्धि भएको छ। नेपाल सुनचाँदी व्यवसायी महासङ्घका अनुसार बिहीबारको तुलनामा शुक्रबार छापावाल सुनको मूल्य तोलामा २ हजार ९०० रुपैयाँले बढेको हो।

यस वृद्धिसँगै शुक्रबार छापावाल सुनको कारोबार मूल्य प्रतितोला २ लाख ९५ हजार ७०० रुपैयाँ कायम भएको छ। यसअघि साताको कारोबारका क्रममा बिहीबार सुनको मूल्य ५०० रुपैयाँले बढेर प्रतितोला २ लाख ९२ हजार ८०० रुपैयाँमा कारोबार भएको थियो।

त्यस्तै, बुधबार ८०० रुपैयाँले बढेर प्रतितोला २ लाख ९२ हजार ३०० रुपैयाँ पुगेको सुनको मूल्य मङ्गलबार भने स्थिर रहँदै प्रतितोला २ लाख ९१ हजार ५०० रुपैयाँमा कारोबार भएको थियो।

साताको सुरुआती दिन आइतबार तोलामा २ हजार ८०० रुपैयाँ र सोमबार ४०० रुपैयाँले घटेर सुनको मूल्य क्रमशः २ लाख ९१ हजार ९०० र २ लाख ९१ हजार ५०० रुपैयाँ तोकिएको थियो।

यसैबीच, शुक्रबार चाँदीको मूल्य पनि तोलामा १५ रुपैयाँले बढेर ४ हजार ४०५ रुपैयाँ पुगेको महासङ्घले जनाएको छ। बिहीबार चाँदीको मूल्य ३५ रुपैयाँले घट्दै प्रतितोला ४ हजार ३९० रुपैयाँमा झरेको थियो।

बुधबार १० रुपैयाँले बढेर प्रतितोला ४ हजार ४२५ रुपैयाँ पुगेको चाँदीको मूल्य मङ्गलबार १५ रुपैयाँले घटेर ४ हजार ४१५ रुपैयाँमा कारोबार भएको थियो। त्यसैगरी, सोमबार ४० रुपैयाँले बढेर ४ हजार ४३० रुपैयाँ पुगेको चाँदीको मूल्य आइतबार भने ६० रुपैयाँले घटेर प्रतितोला ४ हजार ३९० रुपैयाँ कायम भएको थियो।