कार्तिक ३०, २०८३ सोमबार November 16, 2026

न्युजिल्यान्डको सेवा क्षेत्रमा साढे तीन वर्षयताकै उच्च वृद्धि, अर्थतन्त्रमा सुधारको सङ्केत

नयाँ सरकार गठनको प्रक्रिया अघि बढेसँगै रोकिएका खर्च तथा लगानीका योजना कार्यान्वयनमा आउन सक्ने

शेयर गर्नुहोस:
फन्ट परिवर्तन गर्नुहोस: अ अ अ

वेलिङ्टन । न्युजिल्यान्डको सेवा क्षेत्रमा व्यावसायिक गतिविधि उल्लेखनीय रूपमा बढ्दै साढे तीन वर्षयताकै उच्च विन्दुमा पुगेको छ । अक्टोबर महिनामा सेवा क्षेत्रको विस्तारले गति लिएसँगै मुलुकको समग्र अर्थतन्त्रमा सुधारको सङ्केत देखिएको एक उद्योग सर्वेक्षणले जनाएको छ ।

बीएनजेड–बिजनेसएनजेडले सार्वजनिक गरेको पर्फर्मेन्स अफ सर्भिसेज इन्डेक्स (पीएसआई) अक्टोबरमा ०.८ अङ्कले बढेर ५१.७ पुगेको छ । सेप्टेम्बरमा उक्त सूचक ५०.९ अंक थियो। लगातार पाँच महिनादेखि ५० अङ्कको सीमाभन्दा माथि रहेको यस सूचकले न्युजिल्यान्डको सेवा क्षेत्र निरन्तर विस्तार भइरहेको देखाएको छ । ५० अङ्कभन्दा माथिको सूचकले व्यावसायिक गतिविधिमा विस्तार र तलको सूचकले सङ्कुचन जनाउँछ ।

बिजनेसएनजेडकी प्रमुख कार्यकारी क्याथरिन रिचले पछिल्लो तथ्याङ्कलाई सेवा क्षेत्रका लागि उत्साहजनक सङ्केतका रूपमा व्याख्या गर्नुभएको छ । उहाँका अनुसार गर्मीयाम नजिकिँदै गर्दा व्यावसायिक गतिविधि र नयाँ कारोबार दुवैमा वृद्धि देखिएको छ ।

उहाँले नोभेम्बर ७ मा सम्पन्न आमनिर्वाचनअघि धेरै व्यवसायीले लगानी तथा अन्य महत्वपूर्ण व्यावसायिक निर्णय स्थगित गरेको बताउनुभयो । नयाँ सरकार गठनको प्रक्रिया अघि बढेसँगै रोकिएका खर्च तथा लगानीका योजना कार्यान्वयनमा आउन सक्ने उनको अपेक्षा छ ।

सर्वेक्षणअनुसार नयाँ अर्डर तथा व्यवसायसम्बन्धी उपसूचक ५३ अङ्कमा पुगेको छ भने गतिविधि तथा बिक्रीसम्बन्धी उपसूचक ५२.६ अंक कायम भएको छ । यी दुवै सूचकले सेवा क्षेत्रमा माग र कारोबार बढिरहेको सङ्केत गरेका छन् । यद्यपि, रोजगारीसम्बन्धी सूचक ४९.९ अङ्कमा रहेकाले रोजगार बजारमा अझै अपेक्षित सुधार हुन सकेको छैन ।

व्यवसायीहरूले इन्धनको मूल्यवृद्धि, जीवनयापनको बढ्दो लागत, ब्याजदर तथा राजनीतिक अनिश्चिततालाई प्रमुख चुनौतीका रूपमा औँल्याएका छन् । तर गर्मीयामको तयारी, क्रिसमसका लागि बढ्दो बुकिङ र विदेशी पर्यटकको आगमनले सेवा क्षेत्रलाई सकारात्मक ऊर्जा दिएको छ ।

बीएनजेडका वरिष्ठ अर्थशास्त्री डग स्टिलले अर्थतन्त्रमा महत्वपूर्ण योगदान पुर्‍याउने सेवा क्षेत्रमा देखिएको सुधार स्वागतयोग्य रहेको बताउनुभएको छ । उहाँका अनुसार यो गति निरन्तर कायम रहे न्युजिल्यान्डको अर्थतन्त्र व्यापक रूपमा पुनरुत्थान भइरहेको थप प्रमाण प्राप्त हुनेछ ।

सेवा क्षेत्रमा बढ्दो गतिविधिले आगामी महिनामा व्यवसाय, पर्यटन र उपभोगमा थप सुधार ल्याउने अपेक्षा गरिएको छ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
न्युजिल्यान्डको सेवा क्षेत्रमा साढे तीन वर्षयताकै उच्च वृद्धि, अर्थतन्त्रमा सुधारको सङ्केत
२०८३ कार्तिक ३०, सोमबार
एक महिनामा पाथीभरामा ६४ हजारभन्दा बढी तीर्थयात्री
२०८३ कार्तिक ३०, सोमबार
कांग्रेसले जनजीविकाका मुद्दा सशक्त रूपमा उठाउनुपर्छ : महामन्त्री पौडेल
२०८३ कार्तिक ३०, सोमबार
पार्टीको एकतालाई सुदृढ बनाउन राष्ट्रिय भेला : महासचिव पोखरेल
२०८३ कार्तिक ३०, सोमबार
माङसेबुङमा नि:शुल्क आँखा शिविर
२०८३ कार्तिक ३०, सोमबार
नेपालको ऋण मुक्तिको सङ्कल्पले महालक्ष्मी विशेष साधना
२०८३ कार्तिक ३०, सोमबार
मिथिलाक्षेत्रमा घरआँगनमै छठघाट तयार गरी पर्व मनाउनेक्रम बढ्दै
२०८३ कार्तिक ३०, सोमबार