श्रावण २, २०८२ शुक्रबार
July 18, 2025
युग खबर
२०७७ कार्तिक २२, शनिबार
काठमाण्डौं: नेपाल कम्युनिस्ट पार्टी नेकपाका कार्यकारी अध्यक्ष प्रचण्डसहितका ५ शीर्ष नेताहरुले प्रधानमन्त्री निवासमा सामुहिक भेट गरेका छन ।
भेटमा पार्टीभित्र देखिएको गम्भिर मतभेदको विषयमा छलफल गर्न, सचिवालय बैठक बोलाउन माग गर्दै प्रधानमन्त्री तथा पार्टी अध्यक्ष केपी शर्मा ओलीलाई लिखित पत्र बुझाएका हुन ।
कार्यकारी अध्यक्ष प्रचण्डसहित सचिवालय सदस्यहरु माधवकुमार नेपाल, झलनाथ खनाल, बामदेव गौतम र नारायणकाजी श्रेष्ठ शनिबार बालुवाटार पुगेर पार्टीको बैठक बोलाइनुपर्ने, यसअघि भएका निर्णय कार्यान्वयन गर्नुपर्ने, पार्टीसँग सरसल्लाहका आधारमा सरकारका गतिविधि सञ्चालन गरिदिनुपर्ने लगायतका विषय समेटेर ५ नेता तथा सचिवालयका बहुमत सदस्यहरुले प्रधानमन्त्री ओलीलाई लिखित पत्र बुझाएको हो ।
पार्टी एकता रक्षा गर्नका लागि समयमै समग्र विषयमा छलफल गर्न बैठक आवश्यक रहेकाले बैठक बोलाउन आग्रह गर्दै, प्रधानमन्त्रीसँग लिखित आग्रह गरिएको प्रवक्ता नारायणकाजी श्रेष्ठले जानकारी दिए ।
सचिवालयका बहुमत सदस्यहरुबाट बुझाईएको उक्त्त पत्रको सम्वन्धमा पनि ओली अझैपनि टसमस नभएको बुझिएको छ । प्रवक्ता श्रेष्ठका अनुसार प्रधानमन्त्रीले बैठक बोलाउने बारे केही नबोलेको जानकारी दिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया