असार २५, २०८२ बुधबार
July 9, 2025
युग खबर
२०७७ मंग्सिर ७, आइतबार
काठमाण्डौंः अमेरिकाको पेन्सिल्भेनिया राज्यमा मतगणनामा धाँधली भएको भन्दै अमेरिकी राष्ट्रपति डोनाल्ड ट्रम्पले दिएको उजुरीलाई संघीय अदालतले खारेज गरिदिएको छ ।
राष्ट्रपति निर्वाचनमा आफ्नो पराजय स्वीकार्नु सट्टा ट्रम्पले विभिन्न राज्यको मतगणनामा धाँधली भएको भन्दै उजुरी दिइरहेका छन् । पेन्सिल्भेनिया राज्यका न्यायाधीशले दिएको फैसलाले ट्रम्पलाई ठूलो धक्का लागेको छ ।
न्यायाधीश म्याथ्यू ब्रानले आफ्नो आदेशमा ट्रम्पको कानूनी टोलीले राज्यमा हुलाकबाट प्राप्त मतपत्रका बारेमा उचित र पर्याप्त प्रमाण पेश गर्न नसकेको बताएका छन् ।
यो निर्णयसँगै पेन्सिल्भेनिया राज्यमा राष्ट्रपतिका डेमोक्रेट उम्मेदवार जो बाइडेनको पक्षमा मतपरिणाम सदर गर्न बाटो खुलेको छ । राज्यले सोमवार बाइडेन विजयी भएको प्रमाणपत्र दिनेछ । बाइडेनले हालसम्म ३०६ इलेक्टोरल मत प्राप्त गरेका छन् भने राष्ट्रपति ट्रम्पले २३२ मत मात्र प्राप्त गरेका छन् ।
आगामी डिसेम्बर १४ मा इलेक्टोरल कलेज (निर्वाचक प्रतिनिधि) ले औपचारिक रुपमा राष्ट्रपतिलाई मतदान गर्नेछन् र त्यसभन्दा अघि नै सबै राज्यले इलेक्टोरल कलेजलाई प्रमाणीकरण गरिसक्नु पर्नेछ । रासस/एएफपी
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया