वैशाख ११, २०८१ मंगलबार April 23, 2024

तिहारमा ओखर मात्रै २३ करोड बढीको आयात

शेयर गर्नुहोस:
फन्ट परिवर्तन गर्नुहोस:

काठमाडौं । तिहारको लागि महत्वपूर्ण मानिने ओखर मात्रै २३ करोड बढीको आयात भएको छ । भन्सार विभागका अनुसार चालू आर्थिक वर्षको पहिलो तीन महिनामा ओखर २३ करोड ३१ लाख रुपौयाँको आयात भएको हो ।

अघिल्लो वर्षको यही अवधिमा ६ करोड ५ लाखको आयात भएको थियो । तिहारमा ओखर घाँजी ९मसला०को रुपमा मात्र नभई भाइटीका लगाइसकेपछि शत्रुनाश होस् भन्दै ओखर फुटाउने गरिन्छ ।

त्यस्तै चालू आर्थिक वर्षको तीन महिनामा मसलाको रुपमा प्रयोग गरिने बदाम तथा आलमन्ड २१ करोडको आयात भएको छ भने किसमिस ६ करोड ६१ लाखको आयात भएको छ ।

३ महिनामा नरिवल २६ करोड ८४ लाखको आयात भएकोमा काजु ३४ करोड ८२ लाखको आयात भएको भन्सार विभागको तथ्याङ्कले देखाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया