श्रावण ५, २०८२ सोमबार
July 21, 2025
युग खबर
२०७७ फागुण २९, शनिबार
काठमाण्डौंः नेपाली कांग्रेसका वरिष्ठ नेता रामचन्द्र पौडेलले लोकतन्त्र र कांग्रेस संकटमा रहेको बताएका छन् । बागलुङमा नेपाल शिक्षक सङ्घले शनिबार आयोजना गरेको गण्डकी प्रदेशस्तरीय दोस्रो र तेस्रो प्रतिनिधिसभालाई सम्बोधन गर्दै कांग्रेस आन्तरिक किचलोमा फसेको बताउँदै सबै मिलेर पार्टीलाई जनताको पहिलो बनाउनुपर्ने बताएका हुन्।
‘लोकतन्त्र र कांग्रेस संकटमा छ, जसकारण नेपाल नै संकटमा धकेलिन थाल्यो’, नेता पौडेलले भने, ‘कांग्रेसले समीक्षा गर्ने बेला आएको छ, देश जोगाउन पहिला कांग्रेस सच्चिन आवश्यक रहेको छ ।’
उनले पार्टी सभापति शेरबहादुर देउवाप्रति लक्षित गर्दै कांग्रेस कसका कारण सकिँदैछ भन्ने कुरा छर्लङ्ग भएको बताए।
कम्युनिस्ट फुटेर चिराचिरा पर्दासमेत कांग्रेसप्रति जनता आउन नसक्नुका पछाडि कांग्रेसको नेतृत्व नै कमजोरी रहेको भन्दै अब सच्चिएर जानुपर्ने उनले बताए। कांग्रेसको उपचार माथिबाट नभएर तलबाटै गर्न आवश्यक रहेको नेता पौडेलले उल्लेख गरे।
‘अब माथिबाट कांग्रेस सुध्रिन्नजस्तो छ’, उनले भने, ‘जनस्तरबाटै उपचार विधि खोजौँ।’ उनले राष्ट्रको संकट बचाउन कांग्रेस सक्षम भए पनि आन्तरिक किचलो अन्त्य गर्न आवश्यक रहेको बताए। उनले देशको हित हुन्छ भने देउवाको नेतृत्वमा कांग्रेस सरकारमा जान तयार रहेको बताए। रासस
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया