चिनियाँ प्रतिनिधिलाई भारतले भिसा नदिएपछि भारत–चीन व्यापार वैठक स्थगित

काठमाडौं । भारत र चीनबीच यसै हप्ता हुने भनिएको व्यापार वैठक स्थगित भएको छ।

चिनियाँ टोलीलाई भारतले भिसा नदिएपछि महत्वपूर्ण मानिएको भारत–चीनबीचको वैठक स्थगित भएको हो।

व्यापार वैठक भारतको राजधानी दिल्लीमा नोभेम्बर १३ देखि १४ तारिखसम्म हुने तय भएको थियो।

उक्त वैठकमा भारतका यातायात मन्त्री नितिन गड्कारी, भारतका मुख्य आर्थिक सल्लाहकार के सुब्रमण्यम र नीति आयोगका अधिकारीहरु सहभागी हुने भनिएको थियो।

चीनको तर्फबाट ७० जना प्रतिनिधि भारत आउने तय भएको थियो। तर यस समयसम्म पनि भारतले उनीहरुलाई भिसा नदिएपछि वैठक स्थगित भएको इन्डियन एक्सप्रेसले जनाएको छ। एजेन्सी