काठमाडौंः नेपालमा थप १ सय १४ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या २ लाख ७५ हजार ४ सय २४ पुगेको हो ।
स्वास्थ्य तथा जनसंख्या मन्त्रालयकाले दिएको जानकारी अनुसार हालसम्म नेपालमा २२ लाख २१ हजार ५ सय १२ पिसिआर परीक्षण भएका छन् ।
पछिल्लो २४ घण्टामा ९४ जना संक्रमित संक्रमण मुक्त भएका छन् । योसँगै हालसम्म नेपालमा कोरोना संक्रमण मुक्त हुनेको संख्या २ लाख ७१ हजार ४ सय ९५ पुगेको छ । मन्त्रालयका अनुसार मुलुकभर ९ सय १५ जना संक्रमित आइसोलेसनमा रहेका छन् भने ५१ जना क्वारेन्टाइनमा छन् ।
नेपालमा कोरोनाबाट मृत्यु हुनेहरुको संख्या ३ हजार १४ पुगेको छ । पछिल्लो २४ घण्टामा कोरोनाबाट कसैको पनि मृत्यु भएको छैन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया