चीनिया खोप सोमबार नेपाल आइपुग्ने

काठमाण्डौ:चीनले अनुदान स्वरुप नेपाललाइ दिने भनिएको कोरोना भाइरसविरुद्धको खोप भोलि सोमबार नेपाल आईपुग्ने भएको छ ।

स्वास्थ्य तथा जनसंख्या मन्त्रालयले अनुदानमा दिने आठ लाख डोज खोप सोमबार नेपाल ल्याइने जानकारी दिएको छ । स्वास्थ्य मन्त्रालयका अनुसार खोप लिन चार्टर विमान आइतबार आज चीन जाँदै छ ।

अनुदानको सो खोप बेइजिङमा तयारी अवस्थामा छ । १८ माघमा तीन लाख खोप सहायता गर्ने बताएको चीनले १७ फागुनमा त्यसलाई बढाएर आठ लाख खोप दिने घोषणा गरेको थियो ।