३० लाख बालबालिकामा निमोनिया र श्वासप्रश्वासको समस्या

काठमाडौं । नेपालमा ५ वर्ष मुनिका ३० लाख बालबालिका निमोनिया तथा श्वासप्रश्वासको समस्याबाट पीडित छन् । विश्व स्वास्थ्य संगठन (डब्लुएचओ) का अनुसार जन्मेदेखि ५ वर्ष मुनिका १६ प्रतिशत बालबालिकामा न्युमोनियाको संक्रमण बढी छ ।

विभिन्न संक्रमणका कारण नेपालमा वार्षिक करिब एक हजार २ सय बालबालिकाको मृत्यु हुने गरेको छ । जसमा ३ सय बालबालिकाको मृत्युको कारण निमोनियालाई मानिएको छ ।

११ औं अन्तर्राष्ट्रिय विश्व निमोनिया दिवसका अवसरमा स्वास्थ्य सेवा विभाग परिवार कल्याण महाशाखाले आयोजना गरेको अन्तरक्रियामा महाशाखा प्रमुख डा। झलक शर्मा गौतमले ४० वर्षदेखि सरकारले निमोनिया उन्मूलनका लागि कार्यक्रम सञ्चालन गर्दै आएको बताएका छन ।