इन्डोनेसियामा बस दुर्घटना : सातको मृत्यु, १६ घाइते

इन्डोनेसिया । इन्डोनेसियामा यात्रुवाहक बस दुर्घटनामा सातजनाको मृत्यु भएको छ । १६ जना यात्रु घाइते छन् ।

बिहीबार यात्रुवाहक दुईवटा बस आपसमा ठोक्किएका थिए । राजधानी जाकर्ताको पश्चिमी जाभास्थित व्यस्त सडकमा दुर्घटना भएको हो ।

पश्चिमी जाभा प्रहरी प्रवक्ता ट्रुनोयुडो विस्नु अन्दिकोका अनुसार बस चालकले नियन्त्रण गुमाएपछि विपरीत दिशाबाट आएको बससँग ठोक्किएको थियो । जाभाकै सुकाबुनीस्थित गत सेप्टेम्बर महिनामा पनि यस्तै बस दुर्घटना हुँदा २१ यात्रुको मृत्यु भएको थियो ।