श्रावण ३, २०८२ शनिबार July 19, 2025

इजरायलद्धारा सिरियामा क्षेप्यास्त्र हमला

शेयर गर्नुहोस:
फन्ट परिवर्तन गर्नुहोस:

एजेन्सी । इजरायलले सिरियामा क्षेप्यास्त्र हमला गरेको छ। इजरायली हमलाका कारण सिरियामा दुईजनाको मृत्यु भएको बताइएको छ। सिरिया सरकार र उसको गठबन्धन इरानी फौजको नेतृत्वमा रहेका दर्जनौं निशानामा क्षेप्यास्त्र हमला गरेको इजरायलले दाबी गरेको छ।

इरानी एकाईले इजरायलमा रकेटहरु प्रहार गरेको प्रतिक्रियास्वरुप ठूलो मात्रामा क्षेप्यास्त्र हमला गरेको इजरायली सेनाले दाबी गरेको छ।

सिरियाले भने इजरायली हमलाका कारण दुई सर्वसाधारणको मृत्यु भएको जिकिर गर्दै आफ्ना सेनाले राजधानी दमास्कसमाथि आएका अधिकांश क्षेप्यास्त्रलाई खसालेको बताएको छ।

सिरियाली सरकारले आफ्ना दुई नागरिकको मृत्यु भएको बताए पनि अन्य स्रोतका अनुसार मृतकको संख्या त्योभन्दा बढी छ।

स्थानीय सञ्चारमाध्यमका अनुसार राजधानी दमास्कसमा विस्फोटनका ठूला आवाज सुनिएका थिए। सामाजिक सञ्जालमार्फत सार्वजनिक भएका तस्बिरमा कैयौं क्षेप्यास्त्र दमास्कसतर्फ उडिरहेको देखिएका छन्।

सिरियाबाट उत्तरी इजरायतर्फ प्रहार गरिएका चारवटा रकेटलाई इजरायली सेनाले मंगलबार बिहान खसालेको दाबी गरिएको थियो। उसले सिरियाबाट प्रहार गरिएको रकेट आफ्नो भूमिसम्म पुग्दै नपुगेको जिकिरसमेत गरेको थियो।

सन् २०११ मा गृहयुद्ध सुरु भएदेखि इजरायलले सिरियामा सयौं पटक हवाई हमला गरिसकेको छ। उसले सिरियामा इरानी सेनाको संलग्नता रहेको र उसले लेबनानको हेजबुल्लाहलाई हतियार आपूर्ति गरिहेको भन्दै त्यस्ता हमला गर्दै आएको छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
धार्मिक पर्यटकको गन्तव्य बन्दै सन्तानेश्वर मन्दिर
२०८२ श्रावण ३, शनिबार
कर्णाली यसभिएसको ब्राण्ड एम्बेसडरमा अभिनेता राजेश हमाल अनुबन्धित
२०८२ श्रावण ३, शनिबार
काठमाडौं महानगरपालिकाद्वारा संस्थागत विद्यालयमा छात्रवृत्ति प्रवेश परीक्षा सम्पन्न
२०८२ श्रावण ३, शनिबार
छाउपडी प्रथाविरुद्ध जनचेतनामूलक कार्यक्रम सञ्चालन गर्न प्रदेश सरकारको निर्देशन
२०८२ श्रावण ३, शनिबार
खगोल विज्ञानसँग सम्बन्धित शिक्षाको प्रचारप्रसारका लागि प्रशिक्षण
२०८२ श्रावण ३, शनिबार
सशस्त्र प्रहरीको सक्रियतामा छ करोडभन्दा बढी मूल्यका सामान बरामद
२०८२ श्रावण ३, शनिबार
पोखरा-मुग्लिन सडकको पश्चिम खण्डमा ११ पुल बने, दुई निर्माणाधीन
२०८२ श्रावण ३, शनिबार