मंग्सिर १, २०८३ मंगलबार November 17, 2026

जसपाका केन्द्रीय सदस्य जितेन्द्र सिंहको उपचारका क्रममा निधन

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः जनता समाजवादी पार्टीका केन्द्रीय सदस्य जितेन्द्र सिंहको कोरोना संक्रमणको कारण निधन भएको छ । मंगलवार काठमाडौंको मेडिसिटी अस्पतालमा उपचारको क्रममा उनको मृत्यु भएको जसपाका प्रतिनिधि सभा सदस्य रामसहाय प्रसाद यादवले बताए।

बाराको पचरौता नगरपालिका वडा नम्बर १ पिपरपाती निवासी जितेन्द्र सिंहको निधनले पार्टीलाई ठूलो क्षति पुगेको उनले बताएका छन्। विगतको संयुक्त जनआन्दोलन र मधेस आन्दोलनमा समेत उनको योगदान थियो।

उत्पीडित जाति, समुदाय, वर्ग, पहिचान र अधिकारका लागि सधै संघर्षरत सिंह समाजवादी पार्टीबाट जसपामा समावेश भएका थिए।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया