नेपालमा थप ८ हजार ३८७ जनामा संक्रमण पुष्टि – १६९ जना कोरोना संक्रमितको मृत्यु

काठमाडौंः नेपालमा पछिल्लो २४ घण्टामा देशभर १६९ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार मंगलवार २४ घण्टाको अवधिमा कोरोना संक्रमणबाट १६९ जनाले ज्यान गुमाएका छन् । यस सँगै नेपालमा कोरोना संक्रमणका कारण मृत्यु हुनेको संख्या ६ हजार ७०० पुगेको छ ।

मन्त्रालयका अनुसार मंगलवार २२ हजार ३०६ जनाको कोरोना परीक्षण गरिएकोमा ८ हजार ३८७ जनामा संक्रमण पुष्टि भएको हो । यो सँगै नेपालमा कोरोना भाइरस संक्रमितको कुल संख्या ५ लाख २८ हजार ८४८ पुगेको छ ।

हाल देशभर सक्रिय संक्रमितको संख्या एक लाख १७ हजार २६१ पुगेको छ ।

यसैगरी मंगलवार ६ हजार ४०४ जना निको भएसँगै हालसम्म ४ लाख ४ हजार ८८७ जना कोरोना संक्रमणबाट मुक्त भएका छन् ।