श्रावण ५, २०८२ सोमबार
July 21, 2025
युग खबर
२०७८ जेठ २३, आइतबार
काठमाडौंः नेकपा माओवादी केन्द्रले प्रदेश नम्बर-१ सरकारलाई दिएको समर्थन फिर्ता लिएको छ ।
आइतबार माओवादी केन्द्रका संसदीय दलका नेता इन्द्रबहादुर आङ्बोले सरकारलाई दिएको समर्थन फिर्ता लिएको जानकारी प्रदेश सभा सचिवालयमा दिएका हुन्।
सर्वाेच्च अदालतले नेकपाबाट पूर्वनेकपा एमाले-माओवादीमा पूर्ववत् रुपमा फर्काएको ३ महिनापछि माओवादीले बजेट अधिवेशनको पूर्वसन्ध्यामा सरकारलाई दिएको समर्थन फिर्ता लिएको हो ।
गत ५ पुसमा प्रधानमन्त्री केपी ओलीले प्रतिनिधि सभा विघटन गरेपछि त्यसको विरुद्धमा उभिएको तत्कालिन नेकपाको माओवादी र माधबकुमार नेपाल खेमाका मन्त्रीहरु सरकारबाट बाहिरिएर त्यसविरुद्ध सडकमा उत्रिएका थिए। पछि सर्वाेच्च अदालतले नेकपाको एकता भंग गरेर दुवैलाई पूर्ववत् रुपमा फर्काएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया