श्रावण ५, २०८२ सोमबार
July 21, 2025
युग खबर
२०७८ जेठ २४, सोमबार
काठमाण्डौंः नेकपा (एमाले) का असन्तुष्ट माधव नेपाल र झलनाथ समुहले अध्यक्ष केपी शर्मा ओलीले गरेको पार्टी एकता अभियान छलछाम र षड्यन्त्रपूर्ण भएको बताएकाे छ।
सोमबार राजधानीमा बसेकाे माधव नेपाल र झलनाथ समुह स्थायी कमिटीको बैठकले पार्टी एकताको लागि ओलीले गरेको आह्वान अल्मल्याउने खालको भएको निष्कर्ष निकालेको हो ।
अध्यक्ष ओलीले आइतबार ६ बुँदे वक्तत्व सार्वजनिक गर्दै पार्टी एकताको लागि आह्वान गरेका थिए।
आज बसेको नेपाल पक्षको बैठकले ओलीलाई ६ बुँदामै जवाफ दिएको छ। नेपाल पक्षले सर्वोच्च अदालतको फैसलाअनुसार २३ फागुनपछिका सबै निर्णय खारेज हुनुपर्ने, प्रतिनिधिसभा विघटनको निर्णय असंवैधानिक भएकोले खारेज गर्नुपर्ने लगायत माग राखेको छ।
नेपाल पक्षले ओली पार्टी एकताको लागि तयार नभएको आरोप लगाएको छ। त्यसैगरी गुटगत भेलामार्फत गरिएको कारबाही फिर्ता हुनुपर्ने पनि नेपाल पक्षले जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया