श्रावण २, २०८२ शुक्रबार
July 18, 2025
युग खबर
२०७८ श्रावण ३१, आइतबार
काठमाडौंः सत्तारुढ प्रमुख दल नेपाली कांग्रेसको १४औं केन्द्रीय महाधिबेशन आगामी २०७८ मंसिर ९ देखि १३ गतेसम्म काठमाडौंमा हुने भएको छ।
पार्टी सभापति तथा प्रधानमन्त्री शेरबहादुर देउवाको निजी निवास बुढानिलकण्ठमा बसेको केन्द्रीय कार्यसमितिको बैठकले पार्टीको १४औं महाधिवेशनको लागि देशभरका सबै वडाको अधिवेशन भने यही भदौ १८ गते गर्ने भएको छ।
यस्तै देशभरका सबै गाउँपालिका, नगरपालिका उपमहानगरपालिका र महानगरपालिकाको अधिबेशन भदौ २७ गते, प्रदेश सभा निर्वाचन क्षेत्रीय अधिबेशन असोज १ गते, प्रतिनिधिसभा निर्वाचन क्षेत्रीय अधिबेशन असोज ५ गते र सबै ७७ वटै जिल्लाको अधिबेशन असोज १० गते हुने भएको छ।
तीन दिनदेखि चलेको केन्द्रीय कार्यसमितिको सो बैठकले सात प्रदेश अधिबेशन दशैंपछि अर्थात कात्तिक १० ,११ र १२ गते गर्ने भएको छ।
नेपालको संबिधान र दल दर्ता सम्बन्धि ऐन २०७३ बमोजिम नेपाली कांग्रेसको १४ औं महाधिवेशन २०७९ जेठ ३० गते सम्म सम्पन्न गर्दा संबिधान र कानुन प्रतिकुल नहुने नेपाली कांग्रेस केन्द्रीय कार्यसमितिको बैठकमा अधिकांश सदस्यद्वारा सप्रमाण र संबैधानिक एबम् कानुनी धारणा तथ्यगत रुपमा प्रस्तुत गरिएको थियो।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया