असार १९, २०८१ बुधबार
July 3, 2024
न्युज डेस्क
२०७६ पुष २७, आइतबार
काठमाडौं । भारी वर्षाका कारण दुबईको हवाई सेवा अस्तव्यस्त भएको छ । अल मकतुम अन्तर्राष्ट्रिय विमानस्थल जलमग्न भएपछि उडान प्रभावित भएको छ । उडान प्रभावित भएपछि यात्रुहरु अलपत्र परेका छन् ।
दुबईको यो विमानस्थल विश्वकै व्यस्त विमानस्थलहरुमध्ये एक हो । शनिबार भारी वर्षाका कारण जलमग्न भएपछि कयौं उडान रद्द भए । अधिकांश उडान पूर्वतालिकाअनुसार भएनन् । कतिपय विमानहरु डाइभर्ट भए । समाचार एजेन्सी रोयटर्सका अनुसार हवाई उडानहरु १४ घण्टासम्म डिले भए ।
सामाजिक सन्जालमा भाइरल भएको एक भिडियोमा मकतुम विमानस्थलको रनवे पानीमा डुबेको देखिन्छ ।
हवाई सेवा अवरुद्ध भएपछि अलपत्र परेका यात्रुहरुलाई वैकल्पिक व्यवस्था गर्न लागिएको त्यहाँका अधिकारीहरुले बताएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया