दोर्दी खोला जलविद्युतले सार्वजनिक गर्ने आइपीओमा सर्वसाधारणले १० लाख कित्ता मात्रै खरिद गर्न पाउने

काठमाण्डौंः दोर्दी खोला जलविद्युतको आइपीओ आउने भएको छ । धितोपत्र बोर्डले जेठ २६ गतेदेखि सर्वसाधारणका लागि २१ करोड ९५ लाख ५० हजार ९ सय रुपैयाँ बराबरको आइपीओ जारी गर्न अनुमति दिएको छ ।

यस कम्पनीको प्रतिकित्ता १०० अंकित मूल्यका दरले २१ लाख ९५ हजार ५०९ कित्ता साधारण सेयर निष्कासन हुन लागेको हो | जसमा (५ % ) १ लाख ९ हजार ७७५ कित्ता सामुहीक लगानी कोष र (३% ) ६५ हजार ८६५ कित्ता सेयर कर्मचारीहरुका लागि छुट्याइएको छ ।

सर्वसाधारणले बाँकी १० लाख १९ हजार ८६९ कित्ताका लागि आवेदन दिन सक्नेछन् । यसमा न्यूनतम १० कित्तादेखि अधिकतम १७ लाख कित्ताको लागि आवेदन दिन सकिनेछ ।

जेठ २६ गतेदेखि खुल्ने यस आइपीओमा जेठ ३१ गतेसम्म आवेदन दिन सकिनेछ । उक्त अवधिमा सबै सेयर बिक्री नभएमा असार ९ गतेसम्म आवेदन दिन सकिने छ ।

दोर्दी खोला जलविद्युतको आइपीओमा बिक्री प्रबन्धक सिद्धार्थ क्यापिटल रहेको छ | रेटिङ एजेन्सी केयर रेटिङ नेपालले दोर्दी खोलाको आइपीओलाई ‘कियर एनपी आइआर डबल बी माइनस’ प्रदान गरेको छ जसले कम्पनीको दायित्व बहन गर्ने क्षमतामा औसत जोखिम रहेको जनाउँछ ।