सभामुख सापकोटा र जापानी राजदूतबीच भेटवार्ता

काठमाडौं । नेपालका लागि जापानी राजदूत मासामिची साइगोले प्रतिनिधिसभाका सभामुख अग्निप्रसाद सापकोटासँग भेटवार्ता गरेका छन्।

मंगलबार बिहान सभामुखको कार्यकक्षमै पुगेर राजदूत साइगोले सभामुख सापकोटासँग भेटवार्ता गरेका हुन्। भेटमा राजदूत साइगोले नेपालको आर्थिक, सामाजिक, सुशासन र प्रविधिको क्षेत्रमा सहयोग गर्ने प्रतिवद्धता जनाएका थिए। विशेष गरी नेपालमा प्रविधि र तालिमका लागि जापानले सहयोग गर्ने उनले बताएका छन।

सभामुख सापकोटासँग यसअघि चीन र भारतका राजदूतहरुले शिष्टाचार भेटघाट गरिसकेका छन्। सापकोटा माघ १२ गते सभामुखमा निर्वाचित भएका थिए। सभामुख सापकोटाले नेपाल र जापानको सम्बन्ध निकै पुरानो भएको स्मरण गुर्दै दुई देशबीचको सम्बन्ध र सहकार्य अझ बलियो बनाउनुपर्ने बताएका छन ।